हातकणंगले विधानसभा मतदारसंघ राखीव मतदारसंघ आहे. हातकणंगले मतदारसंघामधून विद्यमान आमदार राजू आवळे काँग्रेसचे उमेदवार असण्याची शक्यता आहे. हातकणंगलेमध्ये शिवसेना ठाकरे कटाकडून माजी आमदार सुजित मिणचेकर यांच्याकडून सुद्धा तयारी सुरू आहे. इचलकरंजीमध्ये प्रकाश आवाडे पुन्हा एकदा निवडणुकीच्या रिंगणात असतील. त्यांच्या विरोधात महाविकास आघाडीकडून कोणाला संधी दिली जाते याकडे लक्ष आहे. शिरोळमध्ये राजेंद्र पाटील हे विद्यमान शिंदे गटाचे आमदार असले तरी तुतारी हाती घेऊ शकतात अशीही चर्चा गेल्या काही दिवसांपासून राजकीय वर्तुळामध्ये रंगली आहे.
राजेंद्र पाटील यड्रावकर यांनी एकनाथ शिंदेंना पाठिंबा दिला असला, तरी त्यानंतर ते क्वचितच जाहीरपणे दिसून आले आहेत. त्यामुळे गेल्या काही दिवसांपासून राष्ट्रवादी शरद पवार गटाशी त्यांची जवळीक पाहता ते पुन्हा एकदा तुतारी फुंकतात का अशीही चर्चा आहे. या मतदारसंघातून शिवसेना ठाकरे गटाचे उल्हास पाटील असतील, अशी शक्यता आहे. स्वाभिमानी उमेदवार देणार का? याचीही उत्सुकता आहे.
