हातकणंगले तालुक्यातील तारदाळ येथील ज्ञानेश्वर नगर भागात एका चार वर्षीय बालकावर भटक्या कुत्र्याने चावा घेत त्याला गंभीर जखमी केले आहे. ही घटना मंगळवारी घडली. याबाबत मिळालेली माहिती अशी की ज्ञानेश्वर नगर परिसरात विनोद ताटे कुटुंबीय वास्तव्यास आहे.
या कुटुंबातील आरुष ताटे हा चार वर्षांचा बालक मंगळवारी सकाळी आठच्या सुमारास घराबाहेर खेळत होता. यावेळी अचानक भटक्या कुत्र्यांनी त्याच्यावर हल्ला करीत या बालकाचे लचके तोडून त्याला गंभीर जखमी केले आहे.
यावेळी सदर घटना समजताच नागरिकांनी तेथून भटक्या कुत्र्यांना पळवून लावले. आरुष ताटे या बालकास उपचारासाठी सांगली येथील शासकीय रुग्णालयात दाखल केले आहे.
