हिंदू कॅलेंडरनुसार, नवीन वर्षाचा पहिला दिवस दिवाळी आहे. या दिवसाची शुभ सुरुवात आणि शुभसंपत्ती आणि व्यवसायात यश मिळण्याच्या शुभ चिन्हांसाठी, एक तासाचा विशेष व्यापार केला जातो आणि याला मुहूर्त ट्रेडिंग म्हणतात. यावेळी गुंतवणूकदार संवत 2081 च्या प्रारंभी शुभ लक्ष्मी पूजनासह ऑनलाइन ट्रेडिंग करू शकतात.
दिवाळीच्या सणानिमित्त 1 नोव्हेंबर रोजी शेअर बाजाराला सुट्टी राहणार असून याची माहिती सर्व एक्सचेंजेसने प्रसिद्ध केली आहे. दिवाळी मुहूर्त ट्रेडिंग शुक्रवार, 1 नोव्हेंबर रोजी होणार असून त्याची वेळ संध्याकाळी 6 ते 7 अशी निश्चित करण्यात आली आहे.दरवर्षी दिवाळीला बीएसई आणि नॅशनल स्टॉक एक्स्चेंज एनएसईमध्ये मुहूर्त ट्रेडिंग केले जाते. बीएसईच्या 20 ऑक्टोबरच्या परिपत्रकातच दिवाळी मुहूर्त ट्रेडिंगची तारीख 1 नोव्हेंबर निश्चित करण्यात आली होती.
स्टॉक एक्सचेंजच्या परिपत्रकातील वेळ
प्री-ओपनिंग सत्र संध्याकाळी 5:45 ते 6:00 या वेळेत होईल.
एक तासाच्या विशेष ट्रेडिंग सत्राची म्हणजेच मुहूर्त ट्रेडिंगची वेळ संध्याकाळी 6 ते 7 पर्यंत निश्चित करण्यात आली आहे.
ब्लॉक डील विंडो संध्याकाळी 5:30 ते 5:45 पर्यंत खुली असेल.
पीरियोडिक कॉल ऑक्शनची वेळ संध्याकाळी 6:05 ते 6:50 पर्यंत असेल.
बीएसईनुसार, ऑर्डर एंट्री सत्र शेवटच्या 10 मिनिटांत बंद होईल.
क्लोजिंग सेशन संध्याकाळी 7 ते 7.10 पर्यंत असेल.
पोस्ट क्लोजिंग संध्याकाळी 7.10 ते 7.20 पर्यंत असेल.
