वेळेचा मेंदूवर होतो परिणाम
अभ्यासाच्या वेळेबद्दल कोणत्याही निष्कर्षापर्यंत पोहोचण्यापूर्वी, वेळेचा मेंदूवर कसा परिणाम होतो हे समजून घेणे आवश्यक आहे? वेळेचा आपल्या मेंदूवर कसा परिणाम होतो?
रात्री चांगली झोप आणि सकाळी पौष्टिक नाश्ता केल्यानंतर आपला मेंदू सकाळच्या वेळी सर्वात तीक्ष्ण असतो. काहीतरी नवीन शिकण्यासाठी किंवा कठीण विषयांची उजळणी करण्यासाठी ही चांगली वेळ आहे. अधिक सजग मनाने, यावेळी कठीण विषय लक्षात ठेवण्याची अधिक चांगली क्षमता असते. विद्यार्थ्यांच्या अभ्यासाची उजळणी करण्यासाठी दुपारची वेळ चांगली आहे. यावेळी, विद्यार्थी शिकलेल्या माहितीचे समन्वय आणि रिविझन करण्यास सक्षम असतात.
दिवसभरात अभ्यास का करावा?
जर तुम्हाला दिवसाच्या सुरुवातीला अधिक फ्रेश वाटत असेल, तर सकाळ ही तुमच्यासाठी अभ्यासासाठी सर्वोत्तम वेळ आहे. यावेळी तुम्ही एकाग्र होऊन अभ्यास करू शकाल. दिवसा अभ्यास (study) करणारे विद्यार्थी रात्रीच्या चांगल्या झोपेनंतर फ्रेश होतात. अत्यंत कठीण विषयही सकाळी चांगल्या पद्धतीने लक्षात राहण्यास मदत होते.
दिवसा अभ्यास करण्याचे फायदे
स्मरणशक्ती वाढते :
दिवसा अभ्यास केल्याने माहिती अधिक चांगल्या प्रकारे लक्षात राहते, कारण मेंदू सक्रिय असतो आणि दिवसाच्या वेळी नैसर्गिकरित्या अधिक सतर्क असतो.
सर्जनशीलता वाढते :
दिवसा अभ्यास केल्याने नवीन कल्पना आणि विचार येण्याची शक्यता वाढते, ज्यामुळे सर्जनशीलता वाढते.
तणाव कमी होतो :
दिवसा अभ्यास केल्याने रात्री झोप येण्यास मदत होते आणि मानसिक तणाव कमी होतो.
दिवसा अभ्यास कसा करावा
नैसर्गिक प्रकाश : नैसर्गिक प्रकाश डोळ्यांसाठी चांगला असतो. हे आपल्याला सतर्क ठेवते ज्याचा फायदा नवीन गोष्टी शिकण्यात आणि समजून घेता येतो. कृत्रिम प्रकाश आपल्या डोळ्यांसाठी हानिकारक आहे. झोपेत व्यत्यय नाही: दिवसा अभ्यास केल्याने आपल्या झोपण्याच्या वेळेत कोणताही त्रास होत नाही. दिवसा तुमचा अभ्यास (study) पूर्ण केल्यावर तुम्ही रात्री आरामात झोपू शकता. यामुळे झोपेची लय किंवा झोपेची पद्धत चांगली राहते.
पहाटे अभ्यास करण्याचे फायदे
शांतता आणि एकाग्रता :
पहाटे वातावरण शांत असते, ज्यामुळे विचलित होण्याचा धोका कमी होतो आणि अभ्यासावर लक्ष केंद्रित करता येते.
मेंदूची कार्यक्षमता :
रात्री झोपल्यानंतर मेंदूला माहिती व्यवस्थित करण्याची आणि साठवण्याची वेळ मिळते, ज्यामुळे स्मरणशक्ती सुधारते.
