एप्रिलच्या सुरुवातीला उष्णतेने आपला ट्रेलर दाखवायला सुरुवात केली आहे. हवामान खात्याकडून मिळालेल्या माहितीनुसार, एप्रिलमध्येच महाराष्ट्र, राजस्थान, गुजरात, कर्नाटक, ओडिशा आणि आंध्र प्रदेशमध्ये उष्णतेची लाट 20 दिवस राहणार आहे.एप्रिल महिन्यातच या राज्यांतील लोकांना कडक उन्हाचा सामना करावा लागणार आहे.
उत्तर प्रदेशात पश्चिमेचे वारे वेगाने वाहत आहेत. त्यामुळे प्रखर सूर्यप्रकाश आणि वारा अशा दोन्ही समस्यांना नागरिकांना सामोरे जावे लागत आहे. राजधानीसह संपूर्ण राज्यातील हवामानात सातत्याने चढ-उतार होत आहेत. गेल्या काही दिवसांपासून पडलेल्या पावसानंतर राजधानीच्या तापमानात दोन अंशांची घट नोंदवण्यात आली असून, कडक उन्हाचा प्रभावही कायम आहे.
रांचीच्या हवामान केंद्राने जारी केलेल्या अंदाजानुसार 4,5 आणि 6 एप्रिल रोजी उष्णतेच्या लाटेचा प्रभाव दिसून येईल. दक्षिण भागाव्यतिरिक्त पूर्व भागात उष्णतेच्या लाटेचा सर्वाधिक परिणाम दिसून येईल. महाराष्ट्रातही तापमान वाढ दिसू लागली आहे. येत्या दिवसात अनेक जिल्ह्याचा पारा वाढणार असल्याचे हवामान खात्याकडून सांगण्यात आले आहे.
या महिन्यात 7 एप्रिलपासून उत्तरेकडील पूर्व आणि पश्चिम चंपारण, रोहतास, भाबुआ, औरंगाबाद, गया, नवाडा यासह दक्षिणेकडील पाटणा या भागात मेघगर्जनेसह हलका पाऊस पडण्याची शक्यता आहे.
