वस्त्रनगरी म्हणून ओळखल्या जाणाऱ्या इचलकरंजीमध्ये विकास कामांचा सध्या धडाका सुरू आहे. आमदार प्रकाश आवाडे यांच्याकडून विधानसभा निवडणुकीत दिलेल्या वचनांची पूर्तता होत असून प्रदीर्घ काळापासून प्रलंबित असलेले प्रश्न एकापाठोपाठ एक मार्गी लावत आहेत. आमदार प्रकाश आवाडे यांच्या प्रयत्नातून पुन्हा एकदा महानगरपालिका क्षेत्रात मूलभूत सुविधांच्या विकासासाठी विशेष तरतूद योजनेअंतर्गत 28 कामांसाठी दहा कोटी रुपयांचा निधी मंजूर झालेला आहे. यासंबंधीतील अध्यादेश नगर विकास विभागाने शुक्रवारी जाहीर केला आहे. त्यामुळे आता शहरातील प्रलंबित नागरी सुविधांची पूर्तता होऊन वस्त्रनगरीचा कायापालट होण्यास मदत होणार आहे.
इचलकरंजी महापालिकेला दहा कोटींचा निधी मंजूर!
