सध्या विधानसभा निवडणुकीचे वारे जोरदार वाहू लागलेले आहे. प्रत्येक पक्षाच्या मतदार याद्या प्रसिद्ध होत आहेत. त्यामुळे इच्छुकांची धावपळ सुरू आहे कोणाला उमेदवारी मिळणार याविषयी चर्चांना उधान देखील आलेले पाहायला मिळत आहे.अशातच हातकणंगले विधानसभा मतदारसंघात काँग्रेसचे विद्यमान आमदार राजूबाबा आवळे यांची उमेदवारी निश्चित आहे. त्यामुळे हक्काच्या जागेवर पाणी सोडावे लागणारे असल्याने ठाकरे सेनेचे डॉ. सुजित मिणचेकर अस्वस्थ आहेत. त्यांना न्याय देण्यासाठी गेले तीन दिवसांपासून मातोश्रीवर खलबत्ते सुरू आहेत. काँग्रेसने सांगली लोकसभा मतदारसंघात राबवलेला पॅटर्न हातकणंगलेत राबविण्याच्या तयारीत ठाकरे सेना आहे.
