हातकणंगले तालुका विस्ताराने मोठा आहे. येथे खरेदी विक्रीचे व्यवहारही मोठ्या प्रमाणात होतात. संपूर्ण तालुक्याचा भार एकाच कार्यालयावर असल्याने नागरिकांना 10 ते 15 दिवस अगोदर दस्त नोंदीसाठी नंबर लावावे लागत होते. याचा नाहक त्रास नागरिकांना होत असे यामुळे नागरिकांच्या पैशांचा व वेळेचा अपव्यय होत असे. त्यामुळे पेठवडगाव येथे दुय्यम निबंधक कार्यालय सुरू करावे अशी मागणी होती. याची दखल घेऊन खासदार धैर्यशील माने यांनी मुख्यमंत्री एकनाथ शिंदे यांच्याकडे पाठपुरावा केला होता. जमिनी खरेदी विक्री, बँकेचे तारण, बोजा चढविणे, कमी करणे त्याचबरोबर अन्य कामांसाठी नागरिकांची गैरसोय दूर होणार आहे. या संदर्भात राज्य सरकारने नुकतीच अधिसूचना प्रसिद्ध केली आहे. यासाठी खासदार धैर्यशील माने यांनी विशेष प्रयत्न केले होते.
खासदार धैर्यशील माने यांच्या प्रयत्नांना यश पेठ वडगाव येथे सुरू होणार दुय्यम निबंधक कार्यालय
