सांगली जिल्ह्यातील विधानसभा निवडणुकीसाठी गुरुवारी गुरुपुष्यामृत योग साधत दिग्गज उमेदवारांनी शक्तिप्रदर्शन करीत उमेदवारी अर्ज दाखल केले. सांगलीतून भाजपचे विद्यमान आमदार सुधीर गाडगीळ, मिरजेतून पालकमंत्री सुरेश खाडे, इस्लामपुरातून राष्ट्रवादी शरदचंद्र पवार पक्षाचे प्रदेशाध्यक्ष आमदार जयंत पाटील, याच मतदारसंघातून भाजपचे जिल्हाध्यक्ष निशिकांत पाटील, तासगाव – कवठेमहांकाळमधून राष्ट्रवादी शरदचंद्र पवार पक्षाचे उमेदवार रोहित पाटील, जतमधून काँग्रेसचे विद्यमान आमदार विक्रमसिंह सावंत, खानापूर-आटपाडीमधून शिवसेना शिंदे पक्षाचे सुहास बाबर, पलूस-कडेगावमधून भाजपतर्फे संग्रामसिंह देशमुख यांनी मुहूर्तावर उमेदवारी अर्ज दाखल केले.
शक्तिप्रदर्शनाने दिग्गजांचे अर्ज दाखल
