वस्त्रनगरी म्हणून प्रसिद्धीस असलेल्या इचलकरंजी महानगरपालिकेच्या कामकाजाची नेहमीच सगळीकडे चर्चा असते. महानगरपालिकेच्या अंतर्गत विविध विभागातील अधिकाऱ्यांचा समन्वय नसल्याने अनेक वेळा एकाच कामावर दोनदा खर्च पडतो. कामे केलेल्या ठिकाणी नव्याने कामे काढणे असे विविध प्रकार घडत असतात. खंजीरे इंडस्ट्रियल इस्टेटमधील जुने एस.टी. स्टँड परिसरात लाखो रुपये खर्च करून नव्याने केलेला हॉटमिक्स रस्ता गटारीचे नळ टाकण्यासाठी खुदाई करण्यात आला. अधिकारी वर्गाच्या समन्वयाच्या अभावामुळे रस्त्याच्या कामासाठी आणखी निधी खर्ची पडणार आहे. महानगरपालिकेच्या या अजब कारभारामुळे नागरिकांमध्ये उलट सुलट चर्चा रंगलेल्या आहेत.
महानगरपालिकेचा अजब कारभार, रंगल्या उलट सुलट चर्चा
