सर्दीमुळे शरीरातील आळस वाढतो. जेव्हा जेव्हा हवामानात बदल होतो तेव्हा त्याचा मूडवरही परिणाम होतो. काही लोकांमध्ये हे नैराश्याचे रूप घेऊ शकते. खरंतर, हिवाळ्यात बरेच दिवस सूर्यप्रकाश हवा तितका मिळत नाही.त्याचा थेट परिणाम आपल्या मनस्थितीवर होतो.
या काळात अनेकांना चिडचिड होऊ लागते, त्यांना वाईट वाटते आणि प्रत्येक गोष्टीचा राग येऊ लागतो. याला हिवाळ्यातील उदासीनता म्हणतात. एका अभ्यासानुसार, सूर्यप्रकाशामुळे असे घडते, कारण त्याचा मूडशी खोल संबंध आहे.
यामुळेच हिवाळ्याच्या दिवसांत जेव्हा सूर्यप्रकाश पडतो तेव्हा मूड चांगला होतो आणि जेव्हा सूर्यप्रकाश पडत नाही तेव्हा मूड खराब होतो. अशा परिस्थितीत हिवाळ्यातील नैराश्य म्हणजे काय आणि ते टाळण्याचे उपाय जाणून घेऊयात.
हिवाळ्यातील उदासीनता आणि त्याची कारणे
हिवाळ्यात आपल्या शरीराच्या बदल होणं सामान्य आहे. कमी सूर्यप्रकाशामुळे, सेरोटोनिनची पातळी कमी होते, ज्यामुळे हिवाळ्यात नैराश्याची समस्या उद्भवते. आपल्या देशात दरवर्षी सुमारे 1 कोटी लोक थंडीच्या दिवसांत नैराश्याला बळी पडतात. मेंदूला जागृत आणि सतर्क राहण्यासाठी सकाळचा सूर्यप्रकाश अत्यंत महत्त्वाचा असल्याचे तज्ज्ञांचं म्हणणं आहे.
हिवाळ्यात सकाळचा सूर्यप्रकाश आवश्यक मानला जातो. याचं कारण असे की आपला मेंदू तणाव संप्रेरक कॉर्टिसॉल सोडतो, जो आपल्याला जागृत आणि सतर्क राहण्यास तयार करतो. सकाळचा सूर्यप्रकाश शरीराला निरोगी कॉर्टिसॉल प्रदान करतो आणि नैराश्य टाळतो. सकाळच्या सूर्यप्रकाशात आनंदी संप्रेरक डोपामाईन देखील सोडले जाते, ज्यामुळे मन प्रसन्न होते. यामुळे मनालाही चालना मिळते.
हिवाळ्यात सकाळचा सूर्यप्रकाश आरोग्यासाठी चांगला मानला जातो. हे मानसिक आरोग्यासाठीही चांगले आहे. हिवाळ्यात सूर्यप्रकाश टाळण्यापेक्षा थोडा वेळ उन्हात घालवावा. मोकळ्या उन्हात बसल्याने शरीरात व्हिटॅमिन डीची कमतरता भासणार नाही आणि थकवा, चिडचिड, आळस आणि मूड बदलणे यांसारखे हंगामी भावनिक विकार टाळता येतात.
हे मानसिक आरोग्यासाठीही चांगले आहे. हिवाळ्यात सूर्यप्रकाश टाळण्यापेक्षा थोडा वेळ उन्हात घालवावा. यामुळे तुम्हाला नैराश्याची भावना उद्भवणार नाही तसेच तुमची चिडचिड न होता तुमचा मूड फ्रेश राहील.
