राज्यातील जवळपास सर्वच जिल्ह्यांमध्ये गेल्या 24 तासांपासून मुसळधार पाऊस सुरु आहे. खासकरुन विदर्भात मुसळधार पावसामुळे जनजीवन विस्कळीत झाले आहे. नागपूरसह अनेक शहरांमध्ये सखल भागात पाणी साचले आहे.त्यामुळे नागरिकांना त्रासाचा सामना करावा लागत आहे. अशातच आजही राज्यात अतिमुसळधार पावसाची शक्यता आहे.
IMD ने आज राज्यातील 9 जिल्ह्यांमध्ये अतिमुसळधार पावसाची शक्यता वर्तवली आहे. आज राज्यात कसे हवामान असेल ते जाणून घेऊयात.आज विदर्भासह राज्यातील अनेक जिल्ह्यांमध्ये अतिमुसळधार पाऊस पडण्याची शक्यता आहे. हवामान विभागाने आज कोकणातील रायगड, रत्नागिरी मध्य महाराष्ट्रातील सातारा, कोल्हापूर आणि विदर्भातील अकोला, अमरावती, नागपूर, वर्धा, यवतमाळ जिल्ह्यांत अतिमुसळधार पावसाची शक्यता वर्तवली आहे. त्यामुळे आज कामाशिवाय घराबाहेर पडू नये असा इशारा प्रशासनाने दिला आहे.
