विटा येथे सदाशिवराव पाटील व राजेंद्रअण्णा देशमुख यांच्या निवडक समर्थकांच्या उपस्थितीत बैठक झाली. उमेदवार कोणाचा व्हावा याबाबत चर्चा न होता एकत्रितरित्या महाविकास आघाडीकडून लढवण्यावर एक मत करण्यात आले. हा मतदारसंघ महाविकास आघाडी मधील कोणत्या पक्षाला सुटेल यावर चर्चा झाली व एकत्रित राहून काँग्रेस व राष्ट्रवादी काँग्रेस शरदचंद्र पवार या पक्षाच्या नेते मंडळींना भेटण्याचा निर्णय झाला. या बैठकीमध्ये तुतारी किंवा हात यांनाच प्राधान्य देण्याबाबत एक मत झाले. या बैठकीसाठी शिवसेना उबाठा यांना निमंत्रण करण्यात आले नव्हते.
