आगामी विधानसभा निवडणुकीच्या पार्श्वभूमीवर प्रत्येक मतदारसंघांमध्ये निवडणुकीची जोरदार तयारी सुरू असल्याचे चित्र आपणास पहावयास मिळतच आहे. अशातच सांगोला शहर व तालुक्यात कायदा सुव्यवस्था अबाधित राहावी, गुन्हेगारी प्रवृत्तींना चाप बसावा तसेच सांगोला विधानसभा मतदारसंघातील मतदारांनी मतदान करून निर्भयपणे लोकशाहीचा उत्सव साजरा करावा यासाठी सांगोला पोलीस सज्ज झाले आहेत. सोमवारी 28 ऑक्टोबर रोजी सांगोला पोलीस ठाण्याचे पोलीस निरीक्षक भीमराव खणदाळे यांच्या मार्गदर्शनाखाली निवडणुकीच्या अनुषंगाने सांगोला शहरातील प्रमुख मार्गावरून पथसंंचालन करण्यात आले. मतदारांनी विधानसभा निवडणुकीमध्ये निर्भय वातावरणाने मतदान करून लोकशाहीचा उत्सव साजरा करावा असे आव्हान देखील केलेले आहे.
