राजकारणात घराणेशाही चालणार नाही म्हणणारे नेते निवडणूक येते, तेव्हा मात्र सग्यासोयऱ्यांची सोय कशी होईल, यासाठी खटाटोप करीत असतात. सध्याची विधानसभा निवडणूकही पै-पाहुणे आणि गोतावळ्याभोवतीच फिरताना दिसून येते. इस्लामपुरातून निवडणूक लढवत असलेले राष्ट्रवादी कॉंग्रेसचे (शरदचंद्र पवार) प्रदेशाध्यक्ष जयंत पाटील व शिराळ्यातून भाजपतर्फे रिंगण्यास इच्छुक असलेले सत्यजीत देशमुख हे दोघेही सख्खे साडू आहेत. दोघेही म्हैसाळच्या शिंदे घराण्याचे जावई आहेत. जयंत पाटील यांच्या पत्नी शैलजा व सत्यजीत यांच्या पत्नी रेणुका सख्ख्या बहिणी आहेत. शिवाय जयंत पाटील यांचे भाचे प्राजक्त तनपुरे हेदेखील राहुरीचे आमदार आहेत.
सत्तेच्या राजकारणात सग्यासोयऱ्यांचे गळ्यात गळे
