अंडर 19 आशिया चषक 2023 मध्ये भारतीय संघाचा दुसरा सामना कट्टर प्रतिस्पर्धी पाकिस्तानशी होणार आहे. हा सामना 10 डिसेंबर 2023 रोजी दुबईत रंगणार आहे. या स्पर्धेत दोन्ही संघांनी चांगली सुरूवात केली आहे.दोघांनी आपला पहिला सामना जिंकला होता. दोन्ही संघ आपली विजयी घोडदौड सुरू ठेवाण्याचा प्रयत्न करतील.
भारताने आपल्या पहिल्या सामन्यात अफगाणिस्तानला ७ विकेट्सने हरवले. या सामन्यात अर्शीन कुलकर्णीने शानदार कामगिरी करत सगळ्यांचे लक्ष वेधले. तर पाकिस्तानने आपल्या पहिल्या सामन्यात नेपाळला हरवले होते. हीच लय कायम ठेवण्याचा प्रयत्न दोन्ही संघांचा असणार आहे.
भारत आणि पाकिस्तान यांच्यातील सामना दुबईतील ICCA स्टेडियमवर खेळवला जाईल. हा सामना भारतीय वेळेनुसार सकाळी 11 वाजता सुरू होईल. हा सामना भारतात टीव्हीवर प्रक्षेपीत केला जाणार नाही. मात्र एशियन क्रिकेट कौन्सिल (ACC) च्या यूट्यूब चॅनलवर तुम्ही थेट पाहू शकता.
भारताने आतापर्यंत 9 पैकी 8 वेळा ही स्पर्धा जिंकली आहे. म्हणजे या स्पर्धेवर भारतीय खेळाडूंच वर्चस्व पाहायला मिळाले आहे. या स्पर्धेत भारतासह पाकिस्तान, श्रीलंका, बांगलादेश, अफगाणिस्तान, जपान, यूएई आणि नेपाळचे संघ सहभागी होणार आहेत.दरम्यान, अफगाणिस्तानविरुद्दच्या सामन्यात भारताचा कर्णधार उदय सहारनने टॉस जिंकून प्रथम गोलंदाजीचा निर्णय घेतला.
चांगल्या सुरुवातीनंतर अफगाणिस्तानची डाव गडगडला आणि संघाने सर्वबाद 173 धावा केल्या. अफगाणिस्तानकडून जमशेद सर्वाधिक 43 आणि मोहम्मद झादरानने 26 धावा केल्या.भारताकडून अर्शीन कुलकर्णी आणि राज लिंबानीने प्रत्येकी 3 विकेट्स घेतल्या. तर नमन तिवारीने दोन आणि मुशीर खान व मुरुगन अभिषेकने प्रत्येकी एक विकेट घेतली. सौम्य पांडे आणि उदय सहारनला एकही विकेट मिळाली नाही.
या लक्ष्याचा पाठलाग करण्यासाठी उतरलेल्या भारतीय संघाने 37.3 षटकांतच विजय मिळवला. भारताकडून अर्शीन कुलकर्णीने 70 धावा केल्या. तर मुशीर खानने नाबाद 48 धावा केल्या.भारतीय संघ पुढीलप्रमाणेउदय सहारन (कर्णधार), अर्शिन कुलकर्णी, राज लिंबानी, नमन तिवारी, आदर्श सिंह, धनुष गौडा, आराध्या शुक्ला, रुद्र मयूर पटेल, सचिन धस, प्रियांशू मोलिया, मुशीर खान, अरावेली अवनीश राव (यष्टीरक्षक), सौम्य कुमार पांडे (उपकर्णधार), मुरुगन अभिषेक, इनेश महाजन (यष्टीरक्षक), धनुष गौडा, आराध्या शुक्ला, राज लिंबानी, नमन तिवारी. राखीव खेळाडू – प्रेम देवकर, अंश गोसाई, मोहम्मद अमन.
पाकिस्तानचा संघ पुढीलप्रमाणेसाद बेग (कर्णधार), अहमद हुसेन, अली अस्फंद, अमीर हसन, अराफत मिन्हास, अझान अवेस, खुबैब खलील, नजाब खान, नावेद अहमद खान, उबेद शाह, मोहम्मद रियाजुल्ला, मोहम्मद तय्यब आरिफ, मोहम्मद झीशान, शाहजैब खान, शामील हुसेन
