सरकारकडून अनेक नवनवीन योजना या सतत राबवल्या जातात. अनेक गावांमध्ये वेगवेगळ्या प्रकारच्या सुधारणा करण्यासाठी निधी देखील दिले जातात. विविध गावातील तलाठी कार्यालय बांधकाम, रस्ता, पुल अशा विविध ७ महत्त्वाच्या कामांसाठी ३३ कोटींचा निधी मंजूर झाल्याची माहिती आमदार राजूबाबा आवळे यांनी दिली असून लवकरच या कामांना प्रारंभ होणार असल्याचेही त्यांनी सांगितले.
हातकणंगले तालुक्यातील गावांतील तलाठी कार्यालयाच्या बांधकामासाठी ३ कोटी ३० लाख रुपये, सावर्डे व लाटवडे यांना जोडणारा मधल्या रस्त्यासाठी ४ कोटी रुपये, रामलिंग फाटा ते धुळोबा रस्त्यातील एका टप्प्यासाठी ६ कोटी रुपये, टोप दक्षिणवाडी ते नागाव रस्ता दुरुस्तीसाठी ५ कोटी, रुई गावाजवळ लहान पुलासाठी २ कोटी, इंगळी गावाजवळ पूल व हातकणंगले ते रूई व तळंदगे दरम्यानचा रस्ता व पुलासाठी ७ कोटी तसेच कर्मवीर संकुल कुंभोज ते हातकणंगले तालुका रद्दी दरम्यानच्या रस्त्यासाठी ६ कोटी असा एकूण ३३ कोटींचा निधी मंजूर झाला आहे.
