आयपीएल 2025 मध्ये, चेन्नई सुपर किंग्जच्या संघाला त्यांच्या घरच्या मैदानावर ३० एप्रिल रोजी पंजाब किंग्ज विरुद्ध खेळल्या गेलेल्या सामन्यात आणखी एक पराभव स्वीकारावा लागला. या सामन्यात, सीएसकेचा 4 विकेट्सने पराभव झाला. पंजाबकडून युजवेंद्र चहल एकटाच चेन्नईवर भारी पडला. त्याने एक हॅट्रटीक घेतली आणि सामन्याचे रुपच बदलून टाकले. चेन्नईने सामना जरी गमावला असला तरीही डेवाल्ड ब्रेव्हिसने सगळ्यांचे लक्ष वेधून घेतले.
डेवॉल्ड ब्रेव्हिसने तीन प्रयत्नांमध्ये झेल घेतला
हंगामाच्या मध्यात सीएसके संघात सामील झालेल्या डेवाल्ड ब्रेव्हिसने कौतुकास्पद कामगिरी केली. पंजाब किंग्जविरुद्धच्या सामन्यात बॅटने 32 धावा केल्या असतील, परंतु त्याने आपल्या शानदार क्षेत्ररक्षणाने सर्वांना प्रभावित करण्यात निश्चितच यश मिळवले आहे. सीएसके विरुद्धच्या सामन्यात पंजाब किंग्ज 191 धावांच्या लक्ष्याचा पाठलाग करत असताना, 18 व्या षटकात, रवींद्र जडेजाच्या तिसऱ्या चेंडूवर, शशांक सिंगने मिड-विकेटच्या दिशेने मोठा शॉट खेळण्याचा प्रयत्न केला, जो पाहून सर्वांना वाटले की तो सहा धावांसाठी सीमा ओलांडेल, परंतु तिथे क्षेत्ररक्षण करणाऱ्या देवाल्ड ब्रेव्हिसने चेंडूकडे वेगाने धाव घेतली आणि तो झेलला.
कॅच घेतल्यानंतर, त्याचे शरीर सीमारेषेच्या बाहेर जात असल्याचे लक्षात येताच, ब्रेव्हिसने चेंडू हवेत फेकला. सीमारेषेच्या पलीकडे गेल्यानंतर, ब्रेव्हिसने तेथून पुन्हा चेंडू हवेत उडवला. अखेर ब्रेव्हिसने स्वतःला सीमारेषेच्या आत उभे करून चेंडू पकडला आणि झेल पूर्ण केला. मैदानावरील पंचांनी तिसऱ्या पंचांना कॅच (catch) तपासण्याचा इशारा दिला, त्यानंतर रिप्ले पाहिल्यावर तो पूर्णपणे बरोबर कॅच असल्याचे सिद्ध झाले, त्यानंतर फलंदाज शशांक सिंग 12 चेंडूत 23 धावांची खेळी करून पॅव्हेलियनमध्ये परतला. आयपीएलच्या सध्याच्या हंगामात, आपण काही उत्तम झेल पाहिले आहेत आणि आता ब्रेव्हिसचा हा झेलही त्यात जोडला गेला आहे.
पंजाब किंग्ज टॉप-4 मध्ये पोहोचले
पंजाब किंग्जने चेन्नई सुपर किंग्जविरुद्ध 19.4 षटकांत 6 गडी गमावून 191 धावांचे लक्ष्य पूर्ण करून प्लेऑफमध्ये पोहोचण्याच्या शर्यतीत स्वतःला कायम ठेवले आहे, तर ते 13 गुणांसह पॉइंट टेबलमध्ये दुसऱ्या स्थानावर पोहोचले आहेत. पंजाब किंग्जच्या या सामन्यात, युजवेंद्र चहलने चेंडूने महत्त्वाची भूमिका बजावली तर त्याचा कर्णधार श्रेयस अय्यरने विजयात महत्त्वाची भूमिका बजावली. आता पंजाब किंग्जला या हंगामात त्यांचा पुढचा सामना 4 मे रोजी लखनौ सुपर जायंट्स विरुद्ध खेळायचा आहे.
