बॉक्स ऑफिसवर सध्या अनेक मोठे सिनेमा (cinema) प्रदर्शित झाले आहेत . हिंदी सिनेमांच्या गर्दीतही मराठी चित्रपटांना चांगला प्रतिसाद मिळताना दिसतोय. झापुक झुपूक, देवमाणूस, गुलकंद, आता थांबायचं नाय असे मोठे सिनेमे सध्या बॉक्स ऑफिसवर आहेत. या पैकी आता थांबायचं नाय या सिनेमाला प्रेक्षकांचा सकारात्मक प्रतिसाद मिळताना दिसतोय. या सिनेमाबद्दल सोशल मीडियावर बरंच काही बोललं जातंय. अनेकांनी या सिनेमाचं कौतुक केलं आहे.
आता थांबायचं नाय सिनेमाबद्दल बोलायंच झालं तर सिनेमानं पहिल्या दिवशी ४५ लाख, दुसऱ्या दिवशी १४ लाख तर आता तिसऱ्या दिवशी १७ लाखांची कमाई केली आहे. सिनेमाची एकूण कमाई ही ७६ लाखांच्या घरात पोहोचली आहे. सिनेमाला मिळणारा प्रतिसाद पाहता माऊथ पब्लिसिटीमुळे सिनेमाची कमाई ही वाढण्याची शक्यता आहे. सिनेमात भरत जाधव, सिद्धार्थ जाधव, ओम भूतकर, आशितोष गोवारीकरसह अनेक लोकप्रिय कलाकार आहेत. शिवराज वायचळ यानं या सिनेमाचं दिग्दर्शन केलं आहे.
देवमाणूस
तर देवमाणूस सिनेमानं आतापर्यंत ८२ लाखांची कमाई केली आहे. या सिनेमात महेश मांजरेकर,रेणुका शहाणे,सुबोध भावे,सिद्धार्थ बोडके,अभिजीत खांडकेकर यांच्या भूमिका आहे..
झापुक झुपूक
झापुक झुपूक सिनेमाची एकूण कमाई देखील १ कोटींच्यावर पोहोचली आहे. केदार शिंदे यांनी दिग्दर्शित केलेल्या या झापुकू झुपूक सिनेमात बिग बॉस मराठी सीझन ५ फेम सूरज चव्हाण झळकला आहे.
गुलकंद
मल्टी स्टारर गुलकंद या सिनेमानं बॉक्स ऑफिसवर १ कोटींचा टप्पा ओलांडला आहे. पहिल्या दिवशी ५५ लाख, दुसऱ्या दिवशी २५ लाख, तिसऱ्या दिवशई ४२ लाख…अशी सिनेमाची कमाई आहे. गुलकंद सिनेमाची एकूण कमाई ही १.२२ कोटी इतकी झाली आहे. या सिनेमात समीर चौघुले, प्रसोद ओक, सई ताम्हणकर, ईशा डे असे लोकप्रिय कलाकार आहेत.
