Google चा पॉपुलर वीडियो प्लॅटफॉर्म Youtube ची सेवा बुधवारी सकाळी अचानक ठप्प झाली होती. काही तासांनी आता पुन्हा Youtube सुरळीत झालय. बुधवारी सकाळी अचानक यूट्यूब सर्विस ठप्प झाल्याने लाखो-कोट्यवधि लोकांना व्हिडिओ पाहताना अडचणींचा सामना करावा लागला. युट्यूब डाऊन होताच लोकांनी सोशल मीडियाकडे आपला मोर्चा वळवला. तिथे तक्रारी सुरु केल्या. कंपनीला या बद्दल समजताच लगेच काम सुरु केलं व सर्विस बहाल केली. यूट्यूबच्यावतीने टीमने X वर पोस्ट करुन माहिती दिली. जर, तुम्हाला YouTube एक्सेस करण्यामध्ये अडचण येत असेल तर तुम्ही एकटे नाहीत. आमची टीम यावर काम करतेय. अपडेटसोबत फॉलो अप देईल.
युजर्सच्या म्हणण्यांनुसार, साइट डाऊन असल्यामुळे होमपेजवर Error Message येत होता. त्यामुळे व्हिडिओ पाहता येत नव्हते. APP आणि वेबसाइट दोन्ही ठिकाणी अडचणी होत्या. सर्विस ठप्प झाल्यानंतर मायक्रो ब्लॉगिंग प्लेटफॉर्म X वर(ट्विटर) तक्रारींचा पूरच आला. त्यानंतर X वर #YouTubeDown ट्रेंड सुरु झाला. यूट्यूब ओपन केल्यानंतर लोकांना Something went wrong असा मेसेज येत होता. पण आता युट्यूब आधीसारखं काम करतय.
डाउन डिटेक्टरवर किती तक्रार
अमेरिकेत 2,83,490 लोकांनी डाउन डिटेक्टरवर तक्रार केली. भारतात सुद्धा 18000 पेक्षा जास्त लोकांनी डाउन डिटेक्टर वर तक्रार केली आहे. युट्यूबची सर्विस कुठल्या एका देशात नाही, तर मोठ्या प्रमाणात ठप्प झाली. यामुळे लाखो-कोट्यवधि लोक प्रभावित झाले. भारतात 74 टक्के लोकांना Youtube App मध्ये अडचणींचा सामना करावा लागला. 16 टक्के लोकांना व्हिडिओ स्ट्रिमिंगमध्ये अडचणी झाल्या. 10 टक्के लोकांना यूट्यूब साइट ओपन करताना अडचणी झाल्या.
