करीना कपूर खान, तब्बू आणि क्रिती सॅनॉन मुख्य भूमिकेत असलेला क्र हा सिनेमा लवकरच प्रेक्षकांच्या भेटीला येणार आहे. दरम्यान या सिनेमात 90च्या दशकांतील माधुरीच्या एका गाजलेल्या गाण्याचा रिमेक पाहायला मिळणार आहे. माधुरीचं ‘चोली के पिछे क्या हैं’ या गाण्यावर करिनाचा ग्लॅमरस अंदाज पाहायला मिळत आहे. दरम्यान या गाण्यावर प्रेक्षकांनी मात्र नापसंती दर्शवल्याचं पाहायला मिळतंय.
खलनायक या चित्रपटातील चोली के पिछे क्या हैं या गाण्याने एक वेगळाच ट्रेंड सेट केला होता. जो आजही कायम आहे. यामध्ये माधुरीच्या डान्सने आणि तिच्या एक्सप्रेशन्सनी प्रेक्षकांच्या मनावर राज्य केलं. पण आता अनेक वर्षांनी करिना कपूर खान, तब्बू, आणि कृती सॅनॉन यांच्या क्रू या चित्रपटात या गाण्याचा रिमेक करण्यात आलाय. हे गाणं रिलीज होताच यावर प्रेक्षकांच्या देखील प्रतिक्रिया पाहायला मिळत आहेत. हे गाणं प्रदर्शित होताच या गाण्यामधील करिनाची प्रेक्षकांनी माधुरीसोबत तुलना केली. हे रिमेक गाणं चित्रपटात अजिबात गरजेचं नव्हतं असं देखील अनेकांनी म्हटलं आहे.
तसेच एकाने तर पुन्हा एका गाण्याची वाट लावली अशी देखील प्रतिक्रिया समोर आलीये. तसेच या गाण्यातील करिनाच्या एक्सप्रेशन्सवरही अनेकांनी त्यांचं मत व्यक्त केलं आहे. यावर प्रेक्षकांनी म्हटलं की, करिना यापेक्षाही चांगलं करु शकली असती. त्याचप्रमाणे माधुरीच्या एक्सप्रेशन्ससोबत तिची तुलना करत तिच्या एक्सप्रेशन्स फार लाऊड असल्याचं म्हटलं आहे.
