21 एप्रिलपर्यंत या भागात होणार वादळी वाऱ्यासह जोरदार पाऊस

हवामान विभागानं दिलेल्या माहितीनुसार, देशातील काही राज्यात जोरदार वादळी वाऱ्यासह पावसाची शक्यता आहे. 21 एप्रिलपर्यंत देशातील झारखंड, महाराष्ट्र, आंध्र प्रदेश, तेलंगणा आणि पुद्दुचेरीमध्ये जोरदार वादळी वाऱ्याची शक्यता हवामान विभागानं वर्तवली आहे. जम्मू-काश्मीर, हिमाचल प्रदेश आणि उत्तराखंडमध्ये हिमवृष्टीचा इशारा हवामान विभागानं दिला आहे. हिमाचल प्रदेशमध्ये हवामान विभागाकडून यलो अलर्ट जारी करण्यात आलाय. तसेच पंजाब, हरियाणा आणि दिल्लीमध्ये देखील वादळी वाऱ्यासह पावसाची शक्यता हवामान विभागानं वर्तवली आहे. राजस्थानमध्ये देखील वादळी पावसाची शक्यता वर्तवण्यात आलीय.