चेन्नई सुपर किंग्सने (CSK) आयपीएल 2024 चा शेवटचा घरच्या मैदानावर हंगामातील सामना राजस्थान रॉयल्सविरुद्ध (RR) खेळला. चेन्नईच्या एमए चिदंबरम स्टेडियमवर झालेल्या या सामन्यात सुपर किंग्सने 5 विकेट्सने विजय मिळवला.या विजयानंतर एमएस धोनीने (MS Dhoni) मैदानावर उपस्थित असणाऱ्या चाहत्यांचा निरोप घेतला. यादरम्यान धोनीने सुरेश रैनाला मिठी मारली. धोनी आणि रैना मिठी मारतानाचा व्हिडीओ सोशल मीडियावर सध्या वेगाने व्हायरल होत आहे.
तसेच धोनीचा आयपीएलचा हा शेवटचा हंगाम असल्याचं देखील सोशल मीडियावर बोललं जात आहे. मात्र चेन्नई आणि एमएस धोनीने याबाबत कोणतीच प्रतिक्रिया दिलेली नाही.धोनी आणि रैनाचा हा व्हिडीओ चाहत्यांना खूप आवडला आहे. घरच्या मैदानावर शेवटचा सामना खेळल्यानंतर, चेन्नई सुपर किंग्सच्या संपूर्ण संघाने मैदानावर फेरफटका मारला. यादरम्यान सुरेश रैनाही तिथे पोहोचला. यानंतर रैना आणि धोनीने मिठी मारली. चेन्नईच्या दिग्गज खेळाडूंची मिठी चाहत्यांना खूप आवडली.
