भारतीय क्रिकेट नियामक मंडळाने वरिष्ठ पुरुष भारतीय क्रिकेट संघाच्या मुख्य प्रशिक्षकासाठी अर्ज आमंत्रित केले आहेत. सध्या राहुल द्रविड भारतीय संघाचे मुख्य प्रशिक्षक आहे. द्रविड यांचा कार्यकाळ जूनमध्ये होणाऱ्या टी-20 विश्वचषक 2024 नंतर संपणार आहे. याबाबत आता नवीन अपडेट्स समोर येत आहे.
भारतीय क्रिकेट संघाच्या नवीन मुख्य प्रशिक्षकासाठी अनेक नावे पुढे येत आहेत. याचदरम्यान एक महत्वाची माहिती समोर येतआहे. रिकी पाँटिंग, जस्टीन लँगर आणि अॅन्डी फ्लॉवर या तीन दिग्गजांनी भारतीय प्रशिक्षकपदासआठी नकार दिला आहे. 29 मे अर्ज दाखल करण्याचा शेवटचा दिवस असल्याने आता फक्त 5 दिवस शिल्लक राहिले आहेत.
