2024 हे वर्ष सिनेप्रेमींसाठी खास ठरत आहे. विविध विषयांवर आधारित असणारे चित्रपट यावर्षी रिलीज होत आहेत. अशातच आज सिनेप्रेमींना एक खास सरप्राइज मिळालं आहे.सिंघम अगेन (Singham Again) आणि स्त्री-2 (Stree 2) या चित्रपटांच्या रिलीज डेटची घोषणा करण्यात आली आहे. सिंघम अगेन आणि स्त्री-2 हे चित्रपट कधी रिलीज होणार? जाणून घेऊयात…
स्त्री-2
स्त्री या चित्रपटाच्या यशानंतर आता स्त्री-2 हा चित्रपट प्रेक्षकांच्या भेटीला येणार आहे. या चित्रपटाची नुकतीच रिलीज डेट जाहीर करण्यात आली आहे. श्रद्धा कपूरनं सोशल मीडियावर खास पोस्ट शेअर करुन स्त्री-2 चित्रपटाच्या रिलीज डेटची घोषणा केली आहे.
या पोस्टमध्ये तिनं लिहिलं, “इस स्वतंत्रता दिवस, आ रही है स्त्री फिर से” स्त्री-2 हा चित्रपट 15 ऑगस्ट 2024 रोजी चित्रपटगृहात रिलीज होणार आहे. या चित्रपटाचा टीझर मुंज्या या चित्रपटासोबत दाखवला जाणार आहे. काही दिवसांपूर्वी मुंज्या हा चित्रपट थिएटरमध्ये रिलीज झाला. अशातच या चित्रपटासोबत आता स्त्री-2 या चित्रपटाचा टीझर देखील थिएटरमध्ये दाखवला जाणार आहे.
सिंघम अगेन
रोहित शेट्टी दिग्दर्शित सिंघम अगेन या चित्रपटाची प्रेक्षक उत्सुकतेने वाट बघत आहेत. या चित्रपटाची स्टार कास्ट तगडी आहे. दीपिका पादुकोण, अजय देवगण, करिना कपूर, रणवीर सिंह हे कलाकार या चित्रपटात प्रमुख भूमिका साकारणार आहेत.
आता रोहित शेट्टीनं सोशल मीडियावर पोस्ट शेअर करुन या चित्रपटाच्या रिलीजबाबत माहिती दिली आहे. रोहितनं पोस्टमध्ये लिहिलं, “शेर आतंक मचाता है, जख्मी शेर तबाही! एक बार फिर सिनेमाघरों में मिलते हैं इस दिवाली!” यंदाची दिवाळी सिनेप्रेमींसाठी खास ठरणार आहे कारण सिंघम अगेन हा चित्रपट दिवाळीत रिलीज होणार आहे.
