मुकेश अंबानी आणि नीता अंबानी यांचा धाकटा मुलगा अनंत अंबानी 12 जुलैला राधिका मर्चंटसोबत विवाहबंधनात अडकणार आहे. सध्या या जोडप्याचे प्री-वेडिंग फंक्शन्स आयोजित केले जात आहेत. सोमवारी रात्री हळदी समारंभाचा कार्यक्रम होता. अनंत-राधिकाच्या हळदी सोहळ्याला सलमान खानपासून ते रणवीर सिंगपर्यंत संपूर्ण बॉलिवूड जमले होते. त्याचे फोटो सध्या सोशल मीडियावर व्हायरल होत आहेत.
अनंत-राधिकाच्या हळदी समारंभात बॉलीवूडचा भाईजान म्हणजेच सलमान खाननेही हजेरी लावली.सलमान खानने यल्लो कलरचा कुर्ता परिधान केला होता. यावेळी सलमानने पॅप्सला फोटोसाठी दिल्या.रणवीर सिंगही राधिकाच्या हळदी फंक्शनमधून बाहेर पडताना दिसला. रणवीर सिंगनेही खास कार्यक्रमासाठी पिवळा कुर्ता परिधान केला होता.यावेळी रणवीर सिंग पूर्णपणे हळदीने माखलेला दिसला. स्थळ सोडण्यापूर्वी अभिनेत्याने हस्तांदोलन केले आणि पॅप्सला अभिवादन केले.
या सोहळ्याला अभिनेत्री मानुषी छिल्लरही उपस्थित होती. यादरम्यान, मानुषीने स्लीव्हलेस ब्लाउजसह पिवळ्या रंगाचा भारी लेहेंगा परिधान केला होता. अभिनेत्रीने तिचे केस खुले ठेवले होते आणि ग्लॉसी मेकअप केला होता. मानुषी इंडियन अटायरमध्ये खूपच सुंदर दिसत होती.राधिकाच्या हळदी फंक्शनमध्ये सारा अली खानने लक्ष वेधून घेतले. साराने मल्टीकलर लहंगा परिधान केला होता. सोबत हेव्ही ज्वेलरी वेअर केली होती. ग्लॅम मेकअपमध्ये सुंदर दिसत होती.बॉलीवूड स्टार मुलांची आवडता ओरी देखील अनंत-राधिकाच्या हळदी कार्यक्रमात सहभागी झाला होता. यावेळी ओरीने पिस्ता हिरव्या रंगाच्या कुर्त्यावर निळ्या रंगाचे जाकीट परिधान केला होता.
