भारतीय पोस्ट मध्ये काम करू इच्छित असणाऱ्या उमेदवारांसाठी ग्रामीण डाक सेवक (GDS) पदांची भरती निघाली होती. या भरती प्रक्रियेत अगदी दहावी पास असलेले उमेदवार सुद्धा अर्ज करू शकत होते.तब्बल 44 हजार रिक्त पदांसाठी ही भरती प्रक्रिया सुरू करण्यात आली होती.
भारतीय पोस्टात अनेक भारतीय युवक काम करू पाहत असतात त्यांच्यासाठी ही उत्तम सुवर्णसंधी होती. 2024 च्या जुलै महिन्यात GDS च्या रिक्त पदांना भरण्यासाठी ही भरती प्रक्रिया सुरू करण्यात आली होती. या दरम्यान अनेक उमेदवारांनी अर्ज केला होता.उमेदवारांनी केलेल्या अर्जामध्ये असलेल्या त्रुटींना सुधारण्यासाठी 6 ऑगस्ट ते 8 ऑगस्टपर्यंत वेळ देण्यात आली होती.
महत्त्वाची बाब म्हणजे GDS भरती प्रक्रियेचा निकाल लवकरच जाहीर करण्यात येणार आहे. अर्जकर्त्या उमेदवारांना त्यांचा निकाल indianpostgdsonline.gov.in लिंकवर पाहता येणार आहे.
