सांगोला शहरात छत्रपती शिवाजी चौक सांगोला येथे छत्रपती शिवाजी महाराजांच्या पूर्णाकृती पुतळ्याचे काम जवळपास पूर्ण झाले आहे. अनेक वर्षापासून तालुक्यातील संबंध शिवप्रेमींची उत्सुकता लागून राहिलेल्या छत्रपती शिवरायांचा पुतळा शहरात लवकरात लवकर उभा राहावा यासाठी जिल्हाधिकाऱ्यांनी तात्काळ बैठकीत आयोजित करावी अशी मागणी ,राष्ट्रवादीचे जिल्हाध्यक्ष माजी आमदार दीपकआबा साळुंखे पाटील यांनी लेखणी द्वारे केली आहे. सांगोला शहरात छत्रपती शिवाजी महाराजांच्या पूर्णाकृती पुतळ्यांच्या चबुतऱ्याचे काम पूर्ण झाले आहे. तसेच याबाबतचे अन्य महत्वपूर्ण काम हे पूर्ण झाले आहे. सांगोला शहरात छत्रपती शिवाजी चौक सांगोला येथे शिवरायांचा पुतळा लवकरात लवकर बसावा ही शिवप्रेमी बहुउद्देशीय सामाजिक संस्था सांगोला यांच्या मुख्य पदाधिकारी आणि शिवप्रेमी जनतेची आग्रही मागणी आहे. याबाबत मंजुरीसाठी विहित नमुन्यात प्रस्तावित संबंध प्रशासनाकडे दाखल केले आहेत.
छ. शिवाजी महाराज यांच्या पूर्णाकृती पुतळ्या बाबत जिल्हाधिकाऱ्यांनी तात्काळ बैठक आयोजित करावी माजी आम. दीपकआबा साळुंखे पाटील
