सांगोला येथील महाराणा प्रताप राजपूत घिसाडी समाज बांधव अतिशय कष्टाळू असून दिवसभर प्रामाणिकपणे कष्टाचे काम करून आपले कुटुंब चालवतात. या समाजाकडून आमदार शहाजी बापू पाटील यांच्याकडे समाज मंदिरासाठी निधी उपलब्ध करून द्यावा अशी मागणी करण्यात आलेली होती. आमदार शहाजीबापू पाटील यांनी या मागणीसाठी मुख्यमंत्री एकनाथ शिंदे यांच्याकडे पाठपुरावा करून 50 लाख रुपये निधी मंजूर करून आणला. त्याबद्दल या समाजाकडून आमदार शहाजी बापू पाटील यांचा सत्कार करून आभार मानण्यात आले. यावेळी महाराणा प्रताप राजपूत घिसाडी समाज बांधवांकडून आमदार शहाजीबापू पाटील यांना सदैव साथ राहील असे आश्वासन देण्यात आले.
आमदार शहाजीबापू पाटील यांचा महाराणा प्रताप राजपूत घिसाडी समाज बांधवांकडून सत्कार संपन्न!
