खासगी शाळेच्या वाहनचालक मुलांना वाहनात कोंडून गायब! हातकणंगलेतील प्रकार

हातकणंगले येथील एका खासगी इंग्रजी माध्यम शाळेच्या विद्यार्थी टॅक्सीमध्ये चार वर्षाच्या मुलांना कोंडून चालक गायब झाल्याने मुलांची घुसमट झाली.त्यांनी एकच आरडा-ओरडा सूरू केला. श्‍वास कोंडल्याने गुदमरलेल्या मुलांच्या दंग्याने गल्लीतील पालक गोळा झाले. गाडीच्या काचा फोडून मुलांना बाहेर काढण्यासाठी प्रयत्न सूरू असताना शाळेचे व्यवस्थापन हजर झाले आणि मुलांची सुटका झाली.मंगळवारी सकाळी १२ च्या सुमारास खासगी इंग्रजी शाळेतील चार मुले एका चारचाकी व्हॅन मधून घरी परतताना चालकाने ही गाडी गल्लीमध्ये थांबवून त्यामध्ये असलेल्या चार मुलांना गाडीचे दरवाजे, काचा बंद करुन कोंडून घातले आणि चालक गायब झाला. या प्रकाराबद्दल पालकांनी शाळेविरुद्ध संताप व्यक्त केला.