दहा वर्षाच्या आमदारकीच्या जीवावर अनेक शिवसैनिकांना विविध पदावर बसविण्याची संधी मिळाली मी थांबलो तर शिवसैनिकांची ताकद थांबणार आहे. आपण दिलेल्या जाहीर पाठिंबामुळेच निवडणूक लढविण्यासाठी हत्तीचे बळ आले आहे. मागील पाच वर्षांमध्ये कोणत्याही शिवसैनिकाला कसल्याही उदघाटनाचा नारळ फोडण्याची संधी मिळाली नाही. शिवसैनिकांचा स्वाभिमान टिकवून ठेवण्यासाठी व शिवसैनिकांनी जाहीर केलेल्या पाठिंब्यावरच विधानसभेची निवडणूक लढवून निवडून येणारच असा विश्वास माजी आम. डॉ. सुजित मिणचेकर यांनी व्यक्त केला. शिवसेनेच्या कार्यकर्ता संवाद मेळाव्यात ते बोलत होते. मेळाव्याच्या अध्यक्षस्थानी जिल्हाप्रमुख संजय चौगुले होते.
