तळागाळातील लोकांच्या हिताची तळमळ, समाजसेवेची आवड, कमालीची निर्भीडता, शासन व्यवस्थेला प्रश्न विचारण्याची हिंमत, कष्टकरी, श्रमिक, शेतकरी या सगळ्यांचे प्रश्न हेच दीपकआबा साळुंखे पाटील यांच्या राजकारणाचे केंद्रबिंदू राहिले आहेत.
शिवसेना पक्षप्रमुख उद्धव ठाकरे यांच्या उपस्थितीत शिवसेना उद्धव बाळासाहेब ठाकरे यांच्या पक्षात प्रवेश केल्यानंतर सांगोल्यात पक्षप्रवेशाची लाट निर्माण झालेली आहे. दररोज कार्यकर्त्यांचे पक्ष प्रवेश होत असल्याने सांगोला तालुक्यात शिवसेनेची ताकद मोठ्या प्रमाणात वाढलेली आहे.
जिल्ह्याचे नेते माजी आमदार दीपक आबा साळुंखे पाटील यांच्या नेतृत्वावर विश्वास ठेवून एखतपुर येथील मातंग समाजातील कार्यकर्त्यांनी तसेच विद्यमान ग्रामपंचायत सदस्य पांडुरंग पवार, दीपक घारगे यांनी दीपक आबांच्या उपस्थितीत शिवसेना उद्धव बाळासाहेब ठाकरे पक्षात प्रवेश केला. यावेळी दीपक आबांनी प्रवेश केलेल्या कार्यकर्त्यांचे स्वागत करून त्यांच्या पाठीशी खंबीरपणे उभा राहणार असल्याचे सांगितले.
