केंद्र सरकारच्या ‘पंतप्रधान सूर्यघर मोफत वीज योजना’ ही घराच्या छतावर सौर ऊर्जा प्रकल्प बसवून स्वतःची वीज निर्माण करण्याची एक उत्तम संधी आहे. या योजेनेंतर्गत केंद्र सरकार ग्राहकांना प्रकल्पाच्या खर्चात मोठी सूट देत आहे. या योजनेत, केंद्र सरकार 1 ते 3 किलोवॅट क्षमतेच्या सौर ऊर्जा प्रकल्पासाठी घरगुती ग्राहकांना अनुदान देते. याचा अर्थ, आपल्याला सौर पॅनल बसवण्यासाठी कमी पैसे खर्च करावे लागतील. या योजनेचा सर्वात मोठा फायदा म्हणजे, आपण स्वतःची वीज निर्माण करून वीज बिल कमी करू शकतो. जर आपल्याला गरजेपेक्षा जास्त वीज निर्माण झाली तर ती वीज आपण विद्युत कंपनीला विकू शकतो आणि त्या बदल्यात पैसे मिळवू शकतो.
योजनेचे फायदे:
- वीज बिल कमी: सौर ऊर्जा वापरण्यामुळे आपले वीज बिल कमी होईल.
- स्वच्छ ऊर्जा: सौर ऊर्जा एक स्वच्छ आणि पर्यावरणपूरक ऊर्जा आहे.
- सरकारची मदत: केंद्र सरकार या योजनेअंतरगत मोठे अनुदान देते.
- स्वावलंबन: आपण स्वतःची वीज निर्माण करून ऊर्जेच्या बाबतीत स्वावलंबी बनू शकता.
कसा घ्यावी या योजनेचा लाभ?
या योजनेचा लाभ घेण्यासाठी आपल्याला राष्ट्रीय पोर्टलवर नोंदणी करावी लागेल. नोंदणी करताना आपल्याला काही आवश्यक माहिती भरावी लागेल. नोंदणी प्रक्रिया पूर्ण झाल्यानंतर आपल्याला एक ओळखपत्र मिळेल. या ओळखपत्राच्या आधारे आपण बँकेकडून कर्ज घेऊ शकता आणि सौर प्रकल्प बसवू शकता.
