आगामी विधानसभा निवडणुकीसाठी काहीच दिवस शिल्लक राहिल्या कारणाने प्रत्येक मतदारसंघात नेतेमंडळींनी गावभेटी, प्रचारदौऱ्यास जोर धरलेला आहे. हातकणंगले परिवर्तन महाशक्ती आघाडीचे अधिकृत उमेदवार डॉ. सुजित मिणचेकर यांच्या प्रचारात युवा पिढी सक्रिय आहे. माजी खासदार राजू शेट्टी यांचे चिरंजीव तथा स्वाभिमानी शेतकरी संघटना विद्यार्थी आघाडीचे प्रमुख सौरभ शेट्टी व डॉ. सुजित मिणचेकर फाउंडेशनचे अध्यक्ष सार्थ मिणचेकर यांनी वैयक्तिक गाठीभेटीसह मतदारसंघ पिंजून काढत आहेत. युवा कार्यकर्त्यांसह मतदारसंघात घरोघरी गाठीभेटी घेऊन थोरामोठ्यांचे आशीर्वाद घेत आहेत.
