खानापूर मतदारसंघातील पाटील आणि बाबर गटातील कार्यकर्त्यांमध्ये जोरदार रस्सीखेच सुरू झाली असून बाबर गटाबरोबर आता पाटील गटाने देखील गावागावात जोरदार यंत्रणा गतिमान केली आहे. त्यानुसार भांबर्डे येथील बाबर गटाच्या कार्यकर्त्यांनी पाटील गटात जाहीर प्रवेश केलाय. यावेळी भांबर्डे गावातील बाबर गटातील माजी ग्रामपंचायत सदस्य दादासो एकनाथ खताळ, निवृत्ती महाकू सरगर आणि विलास नामदेव कारंडे यांच्यासह ग्रामस्थांनी पाटील गटात जाहीर प्रवेश केला आहे. यावेळी वैभव दादा पाटील यांनी प्रवेश करणाऱ्या कार्यकर्त्यांचे स्वागत करत विरोधकांना धक्का दिल्याचे पाहायला मिळाले.
