आगामी विधानसभा निवडणुकीचे वेध प्रत्येक मतदारसंघामध्ये दिसून येत आहेत. प्रचाराला जोरदार सुरुवात देखील झालेली आहे. खानापूर विधानसभा मतदारसंघातील महायुतीचे अधिकृत उमेदवार सुहासभैया बाबर यांच्या सुविद्य पत्नी प्रा. सोनिया बाबर यांनी विटा शहरात झंझावती प्रचार दौरा केला आहे. त्यांनी विटा शहरातील गल्लीबोळात प्रचार करत महिलांच्या व ज्येष्ठ नागरिकांच्या भेटीसाठी घेतल्या आणि सुहास बाबर यांना मतदान करण्याचे आवाहन देखील केले.
स्वर्गीय आमदार अनिलभाऊ बाबर, सुहासभैया बाबर, अमोलदादा बाबर यांच्या माध्यमातून विटा शहरात जी विकास कमी झालेली आहे त्या जोरावर विटा शहरातून आपल्याला चांगले मताधिक्य मिळेल असा विश्वास त्यांनी व्यक्त केला. स्वर्गीय आमदार अनिलभाऊ बाबर यांनी तर नेहमीच महिलांचा मानसन्मान ठेवत समाजकारण केले. आज सुहास भैया बाबर व अमोल दादा बाबर त्यांच्याच पावलावर पाऊल ठेवून वाटचाल करत आहे.
शहरातील महिलांना पिण्याच्या पाण्यासंदर्भाची मोठी समस्या होती परंतु भाऊंच्या मार्गदर्शनाखाली विटा शहरातील पिण्याच्या पाण्याची समस्या काही दिवसातच सुटत आहे. त्यामुळे विटा शहरात आम्हाला मोठा जनाधार दिसत असल्याचे प्रा.सोनिया बाबर यांनी सांगितले.
