आगामी विधानसभा निवडणुकीची धामधूम सर्वत्र सुरू आहे. निवडणुकीसाठी काहीच दिवस शिल्लक राहिल्या कारणाने नेतेमंडळीनी सभा, दौरे यांच्यावर जोर दिलेला पहावयास मिळत आहे. भूलथापा आणि फसव्या योजना जनतेच्या माती मारल्याने महायुती सरकारची घटिका भरली आहे अशी टीका खानापूरच्या माजी आमदार अंजली निंबाळकर यांनी केली आहे. कर्नाटकच्या धर्तीवर काँग्रेसचा पाच सुतळी कार्यक्रम महाराष्ट्रात राबविण्यात येणार असल्याने हातकणंगलेतून राजूबाबा आवळे यांच्या विजयात कसलीच अडचण नाही असा दावाही त्यांनी केला आहे. हातकणंगले विधानसभा मतदारसंघाचा आढावा घेतल्यानंतर काँग्रेस कमिटीत आयोजित पत्रकार बैठकीत त्या बोलत होत्या.
