अभिनेता कार्तिक आर्यनच्या (Kartik Aryan) ‘भूल भुलैया 2’ चित्रपटाला प्रेक्षकांचा भरभरून प्रतिसाद मिळाला. त्यानंतर आता ‘भूल भुलैया 3’ (Bhool Bhulaiya 3) बाबत मोठी अपडेट समोर आली आहे.या चित्रपटाच्या पुढील भागात कार्तिकसोबत नेमकी कोणती अभिनेत्री झळकणार? असा सवाल केला जात होता.
यातच आता कार्तिक आर्यन आणि सारा अली खानची जोडी पुन्हा एकदा हॉरर कॉमेडी चित्रपट ‘भूल भुलैया 3’ मध्ये पाहायला मिळणार असल्याची चर्चा सुरू झाली आहे.कियारा आडवाणी ‘भूल भुलैया 2’मध्ये कार्तिक आर्यनसोबत रोमान्स करताना दिसली होती. आता या चित्रपटात सारासोबत कार्तिकची जोडी होऊ शकते. मात्र, अद्याप याबाबत कोणतीही अधिकृत घोषणा करण्यात आलेली नाही.
कार्तिक आणि सारा यांची जोडी यापूर्वी इम्तियाज अलीच्या ‘लव्ह आज कल’मध्ये दिसले होते. भूल भुलैया 3 फेब्रुवारी 2024 पासून तीन महिन्यांत शूट केले जाणार असून 2024 च्या दिवाळी दरम्यान मोठ्या पडद्यावर प्रदर्शित होईल.‘कॉफी विथ करण सीझन 8’ च्या एका एपिसोडमध्ये, सारा अली खानने कार्तिक आर्यनसोबतच्या तिच्या ब्रेकअपबद्दल भाष्य केले होते.
यावेळी तिने ब्रेकअप तिच्यासाठी सोपे नसल्याचे सांगितले होते. या एपिसोडमध्ये ती अनन्या पांडेसोबत एका चॅट शोमध्ये दिसली होती. दुसरीकडे ‘भूल भुलैया 3’ मधील सर्वात मोठे अपडेट म्हणजे तब्बूने चित्रपट नाकारला आहे. मोठ्या रकमेची ऑफर आल्यानंतरही तिने पडद्यावर तीच भूमिका पुन्हा करण्याची इच्छा नसल्याचे सांगत चित्रपट करण्यास नकार दिला आहे.
दरम्यान, ‘भूल भुलैया’मध्ये अभिनेता अक्षय कुमारने अफलातून काम केले होते. त्याच्या पावलावर पाऊल ठेवत कार्तिकने देखील ‘भूल भुलैया 2’ मध्ये त्याच्या उत्तम अभिनयाने प्रेक्षकांची मनं जिंकली होती. त्यानंतर आता चाहते ‘भूल भुलैया 3’ ची आतुरतेने वाट पाहत आहेत.
