महाराष्ट्रातील शेतकरी कुटुंबांसाठी एक आनंदाची बातमी आहे. गोपीनाथ मुंडे शेतकरी अपघात विमा योजनेत मोठा बदल करण्यात आला आहे. या नवीन बदलामुळे आता ( Farmer Accident Insurance) शेतकरी पत्नीचा बाळंतपणादरम्यान मृत्यू झाल्यास तिच्या पतीला दोन लाख रुपयांचे अनुदान मिळणार आहे.
या निर्णयामुळे हजारो शेतकरी कुटुंबांना आर्थिक आधार मिळणार आहे. शेतकरी कुटुंबे शेती करताना अनेकदा अपघाताच्या घटनांना सामोरे जात असतात. यामध्ये कामाच्या ठिकाणी होणारे अपघात, वीज पडणे, पूर, सर्पदंश, रस्ते अपघात आदींचा समावेश आहे. अशा दुर्दैवी घटनांमध्ये घरातील कर्त्या पुरुषाचा मृत्यू झाल्यास कुटुंबावर मोठा आर्थिक ताण येतो. या पार्श्वभूमीवर शेतकरी कुटुंबांना आधार देण्यासाठी महाराष्ट्र शासन गोपीनाथ मुंडे शेतकरी अपघात विमा योजना राबवित आहे.
या योजनेअंतर्गत आता शेतकरी महिलांचाही समावेश करण्यात आला आहे.नाशिक जिल्ह्यात मागील सात महिन्यांत या योजनेअंतर्गत 118 प्रकरणांमध्ये मृत शेतकऱ्यांच्या कुटुंबीयांना एक कोटी आठ लाख रुपयांची मदत देण्यात आली आहे. यामध्ये बाळंतपण झालेल्या शेतकरी महिलांचाही समावेश आहे. आता नवीन नियमांनुसार अशा महिलांनाही मदत मिळणार आहे. येत्या काळात या योजनेचा लाभ घेणाऱ्या महिलांची संख्या आणखी वाढण्याची शक्यता आहे.
गोपीनाथ मुंडे शेतकरी अपघात विमा योजनेअंतर्गत शेतात काम करताना, शेतशिवारात सर्पदंशाने मृत्यू झाल्यास, वीज पडून मृत्यू झाल्यास किंवा इतर कोणत्याही अपघातात शेतकऱ्याचा मृत्यू झाल्यास त्याच्या वारसदारांना योजनेच्या नियमानुसार आर्थिक मदत केली जाते. या योजनेचा लाभ घेण्यासाठी संबंधित शेतकरी कुटुंबांना कृषी विभागाच्या कार्यालयाशी संपर्क साधून आवश्यक कागदपत्र जमा करावे लागतात.
या नवीन बदलामुळे शेतकरी कुटुंबांना मोठा दिलासा मिळणार आहे. यामुळे आर्थिक संकटात सापडलेल्या शेतकरी कुटुंबांना पुन्हा उभे राहण्याची ताकद मिळेल. या योजनेचा अधिकाधिक लाभ शेतकऱ्यांपर्यंत पोहोचवण्यासाठी कृषी विभाग प्रयत्नशील राहणार आहे.या बदलामुळे होणारे फायदेशेतकरी पत्नीच्या बाळंतपणादरम्यान मृत्यू झाल्यास तिच्या पतीला आर्थिक आधार मिळेल.
या योजनेचा लाभ आता शेतकरी महिलांनाही मिळणार आहे.यामुळे शेतकरी कुटुंबांना आर्थिक संकटातून सावरण्यास मदत होईल.महिलांच्या कल्याणासाठी आणि त्यांना सक्षम करण्यासाठी हा एक सकारात्मक बदल आहे.
