आजकाल व्हॉट्सअ‍ॅप हे एक प्रसिद्ध इन्स्टंट मेसेजिंग अ‍ॅप आहे. चॅटिंगपासून व्हिडिओ कॉलिंग आणि व्हॉइस कॉलिंगपर्यंत ते एक प्रमुख माध्यम बनले आहे. व्हॉट्सअ‍ॅप आपल्या यूझर्सना अनेक अद्भुत फीचर्स प्रदान करते.असे असूनही, कंपनी यूझर्सचा अनुभव सुधारण्यासाठी वेळोवेळी नवीन फीचर्स सादर करत राहते. या क्रमात, व्हॉट्सअ‍ॅपने स्टेटस सेक्शनसाठी एक धमाकेदार फीचर सादर केले आहे.
लाखो लोकांसाठी व्हॉट्सअ‍ॅप स्टेटस हे खूप उपयुक्त फीचर आहे. व्हॉट्सअ‍ॅप स्टेटसद्वारे लोक त्यांच्या आयुष्यातील खास क्षण इतरांसोबत शेअर करतात. कधीकधी लोक त्यांच्या फीलिंग शेअर करण्यासाठी व्हॉट्सअ‍ॅप स्टेटसचा वापर करतात. तुम्हीही व्हॉट्सअ‍ॅप स्टेटस टाकले तर आता तुमचा अनुभव बदलणार आहे.
व्हॉट्सअ‍ॅपने आपल्या कोट्यावधी ग्राहकांसाठी स्टेटसमध्ये एक नवीन फीचर दिले आहे. आता यूझर्स स्टेटस अपडेटमध्ये स्टिकर फोटो जोडू शकतील. या लेटेस्ट फीचरमुळे यूझर्सना कंटेंट स्टिकर्सचा ऑप्शन मिळेल. याद्वारे, व्हॉट्सअ‍ॅप अपडेटमध्ये अनेक फोटो जोडता येतील. व्हॉट्सअ‍ॅपच्या या नवीन फीचरची माहिती WABetaInfo ने शेअर केली आहे.
WABetaInfo नुसार, हे आगामी फीचर गुगल प्ले स्टोअरवर उपलब्ध असलेल्या अँड्रॉइड 2.24.3.10 साठी व्हॉट्सअ‍ॅप बीटामध्ये दिसले आहे. Wabetainfo ने या लेटेस्ट फीचरचा स्क्रीनशॉट देखील शेअर केला आहे.
व्हॉट्सअ‍ॅप स्टेटसच्या या नवीन फीचरमध्ये यूझर्सना मोठी सुविधा मिळणार आहे. तुम्हाला एकाच स्टेटसमध्ये अनेक फोटो अपडेट करण्याची मिळेल. या फीचरच्या आगमनानंतर, यूझर्स एकाच अपडेटद्वारे त्यांच्या कॉन्टॅक्ट्ससोबत त्यांच्या आयुष्यातील सर्वोत्तम क्षण शेअर करू शकतील. हे फीचर आल्यानंतर युजर्सना वेगवेगळे स्टेटस टाकावे लागणार नाहीत.
व्हॉट्सअ‍ॅपच्या या अपकमिंग फीचरची सर्वात मोठी खास गोष्ट म्हणजे यूझर्स व्हिडिओ स्टेटसमध्ये स्टिकर फोटो टाकू शकतील. व्हिडिओमध्ये अतिरिक्त इमेज जोडल्याने स्टेटस पोस्ट करण्याचा अनुभव पूर्णपणे बदलेल. व्हॉट्सअ‍ॅप स्टेटस सेक्शनसाठी सतत नवीन फीचर्स आणत आहे. काही काळापूर्वी, व्हॉट्सअ‍ॅपने कोट्यवधी ग्राहकांना स्टेटसमध्ये कॉन्टॅक्ट मेंशन करण्याची सुविधा दिली होती. तुम्ही तुमच्या स्टेटसमध्ये एखाद्याला मेंशन केलं तर त्याला/तिला तुमच्या स्टेटसची सूचना लगेच मिळते.
