दहावीनंतर नेमके कोणते कोर्स करावेत याबाबतीत संभ्रमावस्था प्रत्येक विद्यार्थ्यांची तसेच आई वडिलांची असते. दहावी बोर्डाच्या परीक्षेत यश मिळवून भविष्यात चांगल्या नोकरीच्या शोधात असलेल्या उमेदवारांसाठी महत्वाची माहिती आहे. या विद्यार्थ्यांना दहावीनंतर डिप्लोमा कोर्स करून आपले करिअर सुरक्षित करू शकतात.
१) हॉटेल मॅनेजमेंट- आजकाल हॉटेल आणि हॉस्पिटॅलिटी इंडस्ट्रीमध्ये (Hotel and hospitality industry) खूप वाव आहे. या क्षेत्रात करिअर करण्यासाठी दहावीनंतर हॉटेल मॅनेजमेंटमध्ये डिप्लोमा करता येतो. त्यामुळे नोकरी मिळणे सोपे होईल आणि भविष्यातही प्रगती होईल.
२)इंजिनीअरिंग डिप्लोमा- अनेक संस्था आणि पॉलिटेक्निक महाविद्यालये दहावी नंतर इंजिनीअरिंग डिप्लोमा (Engineering Diploma) देतात. अभियांत्रिकी पदविका प्रमाणपत्र घेतल्यावर, एखाद्याला इंजिनीअरिंग क्षेत्राशी संबंधित मध्यम स्तराची नोकरी सहज मिळू शकते.
३)कॉम्प्युटर हार्डवेअर आणि नेटवर्किंग- कॉम्प्युटरच्या युगात (Computer hardware and networking) हा एक उत्तम करिअर पर्याय असू शकतो. या क्षेत्रात कॉम्प्युटर दुरुस्ती आणि नेटवर्किंगशी संबंधित माहिती घेतली जाते. या क्षेत्रात उत्तम करिअरच्या संधी आहेत.
४)स्टेनोग्राफी आणि टायपिंग- दहावीनंतर स्टेनोग्राफी आणि टायपिंगचा डिप्लोमा (Stenography and typing Diploma) कोर्स करता येतो. न्यायालये आणि इतर अनेक सरकारी कार्यालयांमध्ये अशा रिक्त जागा भरल्या जातात. ज्यासाठी स्टेनोग्राफीचे ज्ञान असणे अनिवार्य आहे.
५)आयटीआय(औद्योगिक प्रशिक्षण)- दहावी बोर्ड परीक्षेनंतर आयटीआय (ITI) हा एक चांगला पर्याय आहे. इलेक्ट्रीशियन, वेल्डर, फिटर, कारपेंटर, मेकॅनिक, स्टेनो, कॉम्प्युटर असे अनेक विषय आहेत. हा कोर्स करून तुम्ही स्वतःचा व्यवसाय सुरू करू शकता.
