आपल्या सर्वांना माहित आहे की ड्रायफ्रूट (Dried Fruit)आरोग्यासाठी किती फायदेशीर असतात. पण तुम्हाला माहिती आहे का की काही विशिष्ट ड्रायफ्रूट शरीराच्या काही भागांसाठी जास्त फायदेशीर असतात? ड्रायफ्रूट हे शरीराच्या प्रत्येक भागावर वेगवेगळ्या प्रकारे परिणाम करतात. शरीराच्या कोणत्या भागासाठी कोणते ड्रायफ्रूट फायदेशीर ठरू शकते ते जाणून घेऊया.
अक्रोड – अक्रोड मेंदूसाठी खूप फायदेशीर ड्रायफ्रूट आहे. यामध्ये असलेले ओमेगा-३ फॅटी अॅसिड मेंदूसाठी फायदेशीर आहे. जे स्मरणशक्ती आणि विचार करण्याची क्षमता सुधारण्यासाठी मदत करते.
बदाम – बदाम सगळेच खातात, पण आपल्या शरीराच्या कोणत्या भागाला बदाम खूप फायदेशीर ठरतो हे तुम्हाला माहित आहे का? बदाम खाणे तुमच्या हृदयासाठी खूप फायदेशीर आहे.
अंजीर – जर तुम्हाला नेहमी सांधे किंवा हाडांमध्ये दुखत असेल तर तुम्ही आवर्जून अंजीर खावे. अंजीरमध्ये कॅल्शियम आणि पोटॅशियम मुबलक प्रमाणात आढळते, जे आपल्या शरीरासाठी फायदेशीर ठरेल.
मनुके – भिजवलेले मनुके खाल्ल्याने आपल्या शरीरातील रक्त निश्चितच वाढते. पण हे ड्रायफ्रूट (Dried Fruit)आपल्या डोळ्यांसाठी खूप फायदेशीर आहे. हे वयाशी संबंधित डोळ्यांच्या समस्या कमी करण्यास देखील मदत करू शकते.
