रविवारी खेळल्या गेलेल्या आयपीएल 2025 च्या सामन्यात षटकारांचा पाऊस पडला. खरंतर, राजस्थान रॉयल्सचा कर्णधार रियान परागने (Riyan Parag) सलग 6 गगनचुंबी षटकार मारले. रियान परागची स्फोटक फलंदाजी पाहून लोकांना युवराज सिंगची आठवण आली. मात्र, सलग 6 षटकार मारूनही रियान पराग युवराज सिंगचा विक्रम मोडू शकला नाही.
आयपीएल 2025 च्या एका हाय-व्होल्टेज सामन्यात कोलकाता नाईट रायडर्स आणि राजस्थान रॉयल्समध्ये रंगला. या सामन्यात प्रथम फलंदाजी करताना केकेआर संघाने 206 धावांचा डोंगर उभा केला. लक्ष्याचा पाठलाग करताना राजस्थानने 71 धावांत 5 विकेट गमावल्या. पण यानंतर, राजस्थानचा स्टार फलंदाज रियान परागने केकेआरविरुद्ध हात उघडण्यास सुरुवात केली. परागने मोईन अलीच्या एका षटकात एकामागून एक 5 षटकार मारले. रियान परागने काल सहा षटकार ठोकले.
परागने सलग 6 षटकार मारल्यानंतरही तो युवराज सिंगच्या क्लबमध्ये स्थान मिळवू शकला नाही, ज्याच्या नावावर सलग सहा षटकार मारण्याचा विक्रम आहे, कारण परागने एकाच षटकात सलग 6 षटकार मारले नाहीत. खरं तर, मोईन अलीच्या 13 व्या षटकात, तो दुसऱ्या चेंडूवर स्ट्राईकवर आला आणि नंतर सलग 5 षटकार मारले. षटकातील पहिला चेंडू शिमरॉन हेटमायरने खेळला, ज्यामध्ये त्याने एक धाव घेतली. त्यानंतर 14 व्या षटकाच्या पहिल्या चेंडूवर हेटमायरने एक धाव घेतली. यानंतर, दुसऱ्या चेंडूवर रियान परागने षटकारग मारला. अशाप्रकारे त्याने एका षटकात नाही तर सलग 6 षटकार मारले.
रियान परागचे शतक हुकले
या सामन्यात रियान परागचे शतक हुकले. या सामन्यात रायन 45 चेंडूत 95 धावा करून बाद झाला. त्याने त्याच्या डावात 6 चौकार आणि 8 लांब षटकार मारले. असे असूनही, या खेळाडूला त्याच्या शतकाच्या 5 धावा आधी हर्षित राणाने झेलबाद केले. राजस्थानने काल हाताशी आलेला सामना गमावला. केवळ एका धावांनी राजस्थानला सामना गमवावा लागला.
