जसं दिसतो तसं नसतं हे अनेकदा आपल्याला टीव्ही मालिका किंवा सिनेमांमध्ये पाहायला मिळतं. मालिकेतील किंवा सिनेमा मधील कलाकार आपल्याला पडद्यावर जसे दिसतात तसेच खऱ्या आयुष्यात असतात का असा प्रश्न बरेचदा प्रेक्षकांना पडतो. त्यामुळे प्रेक्षक अशा आपल्या आवडत्या कलाकारांना सोशल मीडियावर फॉलो करू लागतात. तिथे त्यांना या कलाकारांमधले इतर गुणही पाहायला मिळतात.
बरेचदा टीव्हीवर किंवा सिनेमांमध्ये सोज्वळ भूमिका साकारणारे कलाकार कधीतरी बोल्ड अवतारात समोर आले तर प्रेक्षकांच्या भुवया उंचावतात. सध्या असंच काहीसं कलर्स मराठी वाहिनीची लोकप्रिय नायिका पायल जाधव हिच्या बाबतीत झालं आहे. पायलने कलर्स मराठी वरील अबीर गुलाल या मालिकेमध्ये श्री ही भूमिका साकारली होती. श्री ही भूमिका घरंदाज होती पण सोबतच साडीत वावरणाऱ्या सोज्वळ स्त्रीची होती.
यानंतर पायल बिग बॉस मराठी विजेता सुरज चव्हाणच्या झापुक झुपूक या सिनेमात त्याच्या बहिणीच्या भूमिकेत दिसली. या सिनेमात सुद्धा तिने सातारच्या गावरान अशा साध्या भोळ्या मुलीची भूमिका साकारली होती. या भूमिकेतील तिच्या गावरान ठसक्याचे प्रेक्षकांकडून कौतुक झाले. अशातच आता तिचा एक बोल्ड लूक समोर आला आहे.
पायल जाधव ने सोशल मीडियावर तिच्या लेटेस्ट फोटोशूट मधले काही फोटो शेअर केले आहेत. ज्यामध्ये काळा रंगाचा जाळीदार टॉप घातलेला पाहायला मिळतो. विशेष म्हणजे अनेकांनी तिच्या या लूकचं कौतुक केलेय. यामध्ये अभिनेता आदिनाथ कोठारे सुद्धा आहे. आदिनाथ ने पायलच्या फोटोंवर तीन हार्ट इमोजी शेअर करून तिचं कौतुक केला आहे.
झापुक झुपूक या सिनेमात पायल जाधव आणि सुरज चव्हाण यांच्याशिवाय जुई भागवत, इंद्रनील कामत, पुष्कराज चिरपूटकर, मिलिंद गवळी, दिपाली पानसरे यांसारख्या कलाकारांच्याही भूमिका होत्या. हा सिनेमा १ मे रोजी बॉक्स ऑफिसवर प्रदर्शित झालेला.
