हिंदी मनोरंजन इंडस्ट्रीतला विनोदी कलाकार कपिल शर्मा (Kapil Sharma) सध्या यशाच्या उच्च शिखरावर आहे. आज जरी त्याच्या पदरी घवघवीत यश असले तरी या पदापर्यंत पोहचण्यासाठी त्याला प्रचंड संघर्ष करावा लागला होता. कॉमेडी नाइट्स विथ कपिल, द कपिल शर्मा शो यांसारख्या शोमध्ये तो घराघरात लोकप्रिय झाला. गेल्या वर्षी त्याचा द ग्रेट इंडियन कपिल शो नेटफ्लिक्सवर रिलीज झालेला. आता या शोचा पुढचा भाग येत आहे.
यंदा द ग्रेट इंडियन कपिल शोचा तिसरा सीझन असून त्याचे शूटिंगसुद्धा सुरू झाले आहे. अशातच कपिल शर्माच्या फीबाबात एक बातमी समोर येत आहे. कपिल शर्मा नेहमीच त्याच्या फी साठी चर्चेत असतो. बरेचदा फीवरुन त्याचे वाद झाल्याचेही समोर आले होते. दरम्यान आता त्याच्या द ग्रेट इंडियन कपिल शोच्या तिसऱ्या भागासाठी किती मानधन आकारणार हे समोर आले आहे. नेहमीप्रमाणे कपिलची यंदाच्या सीझनची फी सुद्धा इतर सीझन प्रमाणे पर दिवशी कोट्यवधीच्या घरात असेल.
द ग्रेट इंडियन कपिल शो त्याच्या तिसऱ्या सीझनसह परतत आहे. कपिल शर्मा तो सूत्रसंचालित करेल. याशिवाय या शोच्या टीममध्ये कृष्णा अभिषेक ते सुनील ग्रोव्हर सारखे स्टार्स असतील. असे म्हटले जात आहे की ‘मेट्रो… इन दिनो’ ची स्टारकास्ट पहिल्या एपिसोडमध्ये दिसणार आहे.
‘द ग्रेट इंडियन कपिल शो’चा तिसरा सीझन 21 जून 2025 रोजी सुरू होणार आहे. तिसऱ्या सीझनबद्दल बोलताना कपिल म्हणाला की त्याला ‘ आपल्या कुटुंबात, घरी आल्यासारखे वाटत आहे.’ असे म्हटले जात आहे की याशिवाय यावेळी कपिलच्या शोमध्ये बॉलिवूडचा भाईजान सलमान खानसुद्धा उपस्थिती लावेल.
कपिल शर्मा या शोच्या प्रत्येक एपिसोडसाठी इतकी मोठी रक्कम घेत आहे की ऐकून तुम्ही थक्क व्हाल. फ्री प्रेस जर्नलच्या वृत्तानुसार, कपिल शर्मा प्रत्येक एपिसोडसाठी 5 कोटी रुपये घेत आहे!
