जितकी छोटी कंपनी, तितका मोठा त्याचा स्टॉक. ही म्हण शोभाग्य मर्कंटाइल लिमिटेडवर अगदी योग्य बसते कारण, ही एक स्मॉलकॅप कंपनी आहे तर मार्केट कॅप 625 कोटी रुपये आहे, मात्र अल्पावधीतच मल्टीबॅगर परतावा देऊन गुंतवणूकदारांना करोडपती बनवले आहे.
देशांतर्गत बाजारात गेल्या काही दिवसांपासून तेजीचा कल पाहायला मिळाला आणि अनेक कंपन्यांनी गुंतवणूकदारांचा खिसा भरला. त्यापैकी एका मल्टीबॅगर स्टॉकने आपल्या गुंतवणूकदारांना कोटींचा परतावा दिला आहे. हा स्टॉक बऱ्याच काळापासून शेअर बाजारात रॉकेटच्या स्पीडने पुढे सरकत असून या शेअरने अनेकदा अप्पर सर्किटवरही मजल मारली आहे.
मार्केटच्या बाबतीत सौभाग्य मर्कंटाईल एक छोटी कंपनी आहे, पण शेअर बाजारात खूप वरपर्यंत पोहोचली आहे. शुक्रवारी स्टॉकने शेअर 920.60 रुपयांवर क्लोजिंग केली असून 18 ऑगस्टपासून त्यात कोणतेही व्यवहार झालेले नाहीत. मात्र, गेल्या काही वर्षांत या कंपनीच्या गुंतवणूकदारांवर पैशाचा पाऊस पडला असून एकेकाळी या शेअरची किंमत एक रुपयांपेक्षा कमी होती.
या स्टॉकने दोन महिन्यांत गुंतवणूकदारांना दुप्पट परतावा दिला आहे. 18 जून रोजी या स्टॉकची किंमत 453 रुपये होती तर आता 920.60 रुपये आहे, म्हणजेच दोन महिन्यांत हा स्टॉक 100 टक्क्यांहून अधिक वाढला आहे. अशाप्रकारे, तुम्ही दोन महिन्यांपूर्वी त्यात एक लाख रुपये गुंतवले असते तर दोन लाख रुपये झाली असती. म्हणजे तुम्हाला दुप्पट नफा मिळाला असता.
याशिवाय एका वर्षात देखील या स्टॉकने लोकांना मालामाल केलेलं आहे. एका वर्षात या स्टॉकने गुंतवणूकदारांना श्रीमंत बनवले असून या काळात 55 रुपयांवरून या मल्टीबॅगरने 1500 टक्क्यांहून अधिक उभारी घेतली आहे. अशा परिस्थितीत, एका वर्षात तुम्ही या स्टॉकमध्ये एक लाखांची गुंतवणूक केली असेल तर आज तुमची इन्व्हेस्टमेंट 16 लाख रुपयांपेक्षा जास्त झाली असेल. म्हणजेच 1 लाख रुपयांच्या गुंतवणुकीवर तुम्हाला एका वर्षात 15 लाख रुपयांपेक्षा जास्त नफा झाला असता.
दरम्यान, लखपती बनवण्यासह या स्टॉकमुळे 50 महिन्यांत म्हणजेच 5 वर्षांपेक्षा थोडे जास्त काळात अनेक लोक कोट्याधीशही बनले आहेत. मे 2021 च्या सुरुवातीला या शेअरची किंमत फक्त 96 पैसे होती आणि तेव्हापासून या स्टॉकने तेजीची उभारी घेतली असून सुमारे 98000 टक्के परतावा दिला आहे. म्हणजे मे 2021 च्या सुरुवातीला तुम्ही त्यात एक लाख रुपये गुंतवले असते, तर आज तुमची गुंतवणूक 9.91 कोटी रुपये (सुमारे 10 कोटी रुपये) झाली असती.
