मुंबई : गुंतवणूकदार आणि शेअर बाजारातील ट्रेडर्ससाठी मोठी बातमी समोर आली आहे. सुमारे 25 वर्षांनंतर शेअर बाजाराच्या नियमांमध्ये मोठा बदल होणार आहे, ज्यासाठी सर्व तयारी करण्यात आली आहे. निफ्टीचा एक्सपायरी नियम बदलण्यात येणार असून यावर सेबीने म्हटले की ही सुधारणा गुंतवणूकदारांसाठी फायदेशीर ठरेल आणि त्याचा शेअर बाजारालाही फायदा होईल.
या बदलानंतर निफ्टीची एक्सपायरी आता गुरुवारऐवजी मंगळवारी होईल. सेबीनेही या कामासाठी पूर्ण तयारी केली असून फ्युचर अँड ऑप्शन म्हणजे F&O ट्रेडर्ससाठी हा निर्णय घेण्यात आला आहे. हा नवीन नियम १ सप्टेंबरपासून लागू होईल.
निफ्टी एक्सपायरीचा इतिहास काय
निफ्टी50 निर्देशांक 22 एप्रिल 1996 रोजी लाँच करण्यात आला होता तर, निफ्टी फ्युचर्स 12 जून 2000 रोजी लाँच झाला आणि पहिली एक्सपायरी 29 जून 2000 रोजी होती. तेव्हा ही फक्त मासिक एक्सपायरी असायची, ज्यामध्ये एक्सपायरी महिन्याच्या शेवटच्या गुरुवारी असायची. नंतर 2019 मध्ये साप्ताहिक निफ्टी एक्सपायरीमध्ये बदलण्यात आली. यामध्येही गुरुवार हा एक्सपायरी डे म्हणून निवडण्यात आला. आता एनएसईने एक नवीन नियम लागू केला आहे, ज्या अंतर्गत एक्सपायरी मंगळवारी असेल.
एक्सपायरी डेट बदलण्याचे फायदे काय?
एक्सपायरी डेट बदलल्याने अनावश्यक अस्थिरता आणि तांत्रिक गुंतागुंत स्थिर होईल असं तज्ञांचं मत आहे. या बदलामुळे बाजार स्थिर होईल आणि जोखीम सोप्या पद्धतीने व्यवस्थापित होतील. अनेक वेळा वेगवेगळ्या तारखांना एक्सपायरी झाल्यामुळे शेअर बाजार असामान्य पद्धतीने चढ-उतार होत असतात. अशा परिस्थितीत, आता निश्चित दिवसांमुळे गुंतवणूकदारांना स्पष्टता मिळेल आणि बाजारात अनावश्यक घाई होणार नाही. इतकेच नाही तर वेगवेगळ्या मुदतींमुळे लहान गुंतवणूकदार गोंधळात पडायचे. तर नवीन नियमामुळे हा गोंधळ दूर होईल आणि दोन्ही एक्सचेंजमध्ये संतुलन येईल.
याचा गुंतवणूकदारांनाही फायदा होईल कारण आता ट्रेडिंग पूर्वीपेक्षा खूपच स्पष्ट होईल आणि आठवड्यातून फक्त 2 दिवस बाजारात दबाव असेल. अशा स्थितीत, सेबीच्या या पावलामुळे भारतीय शेअर बाजारातील डेरिव्हेटिव्ह ट्रेडिंग पूर्वीपेक्षा अधिक पारदर्शक
