शरद पवारांची प्रकृती बिघडली; पुण्याच्या रुबी हॉल क्लिनिकमध्ये उपचार सुरू

राष्ट्रवादी काँग्रेसचे सर्वेसर्वा शरद पवार यांची प्रकृती बिघडल्याने त्यांना पुण्यातील रुबी हॉल क्लिनिकमध्ये दाखल करण्यात आले आहे. गेल्या काही दिवसांपासून शरद पवार हे प्रकृतीच्या कारणास्तव त्रस्त होते. त्यानंतर खबरदारीचा उपाय म्हणून त्यांना रुग्णालयात नेण्यात आले. मिळालेल्या माहितीनुसार, शरद पवार यांना आज सकाळी अचानक अस्वस्थता आणि थकवा जाणवू लागला. त्यानंतर डॉक्टरांच्या सल्ल्यानुसार त्यांना तातडीने रुग्णालयात हलवण्यात आले. सध्या त्यांना सलाईन लावण्यात आले असून तज्ज्ञ डॉक्टरांच्या पथकाद्वारे त्यांच्या प्रकृतीची तपासणी केली जात आहे.