आयपीएल 2024 च्या हंगामात आज म्हणजेच 31 मार्च रोजी दोन सामने होणार आहे. पहिला सामना गुजरात टायटन्स (GT) विरुद्ध सनरायझर्स हैदराबाद (SRH) आणि दुसरा सामना दिल्ली कॅपिटल्स (DC) विरुद्ध चेन्नई सुपर किंग्स (CSK) यांच्यात रंगणार आहे. गुजरात आणि हैदराबादचा सामना गुजरातमधील नरेंद्र मोदी मैदानावर होणार असून हा सामना भारतीय वेळेनूसार 3.30 वाजता सुरु होईल.
गुजरात टायटन्स सध्या गुणतालिकेत सातव्या स्थानावर आहे, तर सनरायझर्स हैदराबाद चौथ्या स्थानावर आहे. आयपीएलच्या या मोसमात, गुजरात टायटन्सने 2 सामने खेळले असून, एक सामना जिंकला असून सनरायझर्स हैदराबादनेदेखील दोन सामन्यांपैकी एक सामना जिंकला आहे. त्यामुळे गुजरात आणि हैदराबादचा संघ या हंगामातील दुसरा सामना जिंकून गुणतालिकेत चांगलं स्थान मिळवण्यासाठी प्रयत्न करतील.
