शिवसेनेचे दिवंगत ठाणे जिल्हाप्रमुख आनंद दिघे यांच्या आयुष्यावर बेतलेल्या ‘धर्मवीर’ चिञपटाच्या तुफान यशानंतर आता ‘धर्मवीर भाग २’ लवकरच प्रेक्षकांच्या भेटीला येत आहे. या चिञपटाच्या चिञीकरणाची सुरवात रविवारपासून ठाण्यात करण्यात आली. या अनुषंगाने टेंभीनाका येथील नवराञोत्सवात आनंद दिघे अष्टमीला आरती करायचे. हा सीन आनंद दिघे यांची भूमिका करणार्या कलाकार प्रसाद ओक व इतर कलाकारांच्या उपस्थितीत शूट करण्यात आला. यावेळी दिघे यांच्या भूमिकेतील प्रसाद ओकला पाहून उपस्थित देवी भक्तांच्या अंगावर अक्षरश: काटा उभा राहिला.
दोन वर्षांपूर्वी आनंद दिघे यांच्या जीवनावर आधारित ‘धर्मवीर मुक्काम पोस्ट ठाणे’ हा चित्रपट प्रेक्षकांच्या भेटीला आला होता. चित्रपटाच्या प्रदर्शनानंतर महाराष्ट्रात प्रत्येक सिनेमागृहांवर हाऊस फुल्लच्या पाट्या पाहायला मिळाल्या होत्या. आनंद दिघे यांनी ठाण्यात शिवसेना कशी वाढवली, मराठी माणसाला कसे लढायला शिकवले, हिंदुहृदयसम्राट बाळासाहेब ठाकरे आणि दिघे यांच्यातील गुरु शिष्याचे नाते हे सर्वकाही चित्रपटाच्या पहिल्या भागात प्रेक्षकांना पाहायला मिळाले होते. आता चिञपटाच्या आगामी भागात दिघे यांच्या जीवनातील आणखी विविध घटना उलघडल्या जाणार आहेत. रविवारी नवराञोत्सवाच्या अष्टमीनिमित्त धर्मवीर २ चित्रपटाच्या चित्रीकरणाला सुरुवात झाली आहे. अभिनेता प्रसाद ओक याने दिघे यांच्या वेशात गर्दीतून एन्ट्री मारून आलेल्या भक्तांना आश्चर्याचा धक्का दिला. यावेळी शिवसेना शिंदे गटाचे विधानसभा क्षेञप्रमुख हेमंत पवार व शाखाप्रमुख निखिल बुडजडे उपस्थित होते.
अष्टमीच्या आरतीचा प्रसंग केला जिवंत
आनंद दिघे यांनी जय अंबे मॉ सार्वजनिक धर्मादाय विश्वस्त संस्थेच्या माध्यमातून सुरु केलेल्या नवरात्रोत्सवात दिघे यांच्या हस्ते होणार्या अष्टमीच्या आरतीची आठवण जुणे जाणते ठाणेकर आजही सांगतात. तोच प्रसंग प्रसाद ओक यांनी जिवंत करत दिघे यांच्या आनंदाश्रमातून दिघे यांच्याच ‘आरमाडा’ गाडीतून टेंभी नाक्यावर एन्ट्री घेतली. यावेळी प्रसिध्द सिनेमॅटोग्राफर महेश लिमये यांनी हे क्षण कॅमेर्यात कैद केले.
हिंदुत्वाची गोष्ट उलगडणार…
या चिञपटाचे दिग्दर्शक आणि लेखक प्रविण तरडे यांनी चिञपटाचा दुसरा भाग लवकरच येणार असल्याची घोषणा रविवारी ठाण्यात शिवसेना आमदार रविंद्र फाटक संकल्प प्रतिष्ठान आयोजित नवराञोत्सवात केली. साहेबांच्या हिंदुत्वाची गोष्ट आगामी धर्मवीर भाग दोनमधून समोर येणार असल्याचे तरडे व निर्माते मंगेश देसाई यांनी स्पष्ट केले.
